Znajści
Ałharytmičny łacinski varyjant
17.09.2023 / 10:5328RusŁacBieł

Rasijanie skardziacca, što ŭ ich niama lidara nakštałt Cichanoŭskaj. Biełarusy im adkazali, čamu tak

Praca lidarki biełaruskich demakratyčnych sił vyklikaje zachapleńnie i navat zajzdraść u apazicyjna nastrojenych rasijan. «Čamu ŭ nas niama Cichanoŭskaj?» — zadajuć jany pytańnie. Čarhovy tred razhareŭsia ŭ tvitary.

«Voś by ŭ nas byŭ chtości typu Cichanoŭskaj, chto prasiŭ by nie vizabanić prostych rasijan, uciekačoŭ ad mabilizacyi abo turmy, ci tam pradstaŭlaŭ intaresy svaich hramadzian jak palityk u ES abo USA. Ech, škada, što ŭ nas niama nivodnaha adpaviednaha kandydata», — napisała rasijskaja błohierka Maryja Matuznaja, jakuju sudzili ŭ 2018 hodzie za abrazu pačućciaŭ vierujučych.

Karystalniki tvitara patłumačyli Matuznaj, jak u biełarusaŭ źjaviłasia Cichanoŭskaja.

«Kab u nas była Cichanoŭskaja, u nas dziasiatki čałaviek na 10+ hadoŭ sieli, tysiačy na hady, dziasiatki tysiač prajšli praz katavalnyja ŭmovy turmaŭ. Što tam u vas? Ci vy dumajecie, Cichanoŭskaja ź nieba ŭpała pa prykołu?» — napisaŭ viadomy błohier Džypsinkoŭ.

Jon patłumačyŭ Matuznaj, što biełarusy vychodzili na pratesty ŭ 1996, 2006, 2010, 2011, 2017 hadach, na akcyi suprać intehracyi z Rasijaj.

«Ja tykaju pałkaj u tych, chto biehaje z pytańniem, čamu ŭ ich niama Cichanoŭskaj, chacia adkaz na pavierchni. Bo vam u masie jana nie patrebna», — dadaŭ Džypsinkoŭ.

«Taki čałaviek moža źjavicca i ŭ vas. Ale pry ŭmovach, što vy pojdziecie na vybary, a zatym na pratesty, dzie vas mohuć zabić. Potym zmožacie sabrać dokazy, što vybary sfalsifikavanyja. Potym častka ludziej zhnije ŭ turmach abo vypadkova znojdziecca paviešanaj u lesie. Vyrašać vam», — patłumačyła inšaja karystalnica.

 «Čałaviek (i ludzi nižej) pa punktach rastusavaŭ, što nie prosta svaboda, a navat «taki čałaviek» kaštuje doraha. Amal usie maje siabry z RB źjechali abo ŭ turmie, pakul vy biehajecie ad mabilizacyi, pieravozicie kapitały ŭ Dubai i vyvodzicie praz kryptu. Hańbišča», — napisała @kryscina_by.

«Heta vielmi składany šlach. Kab «źjaviłasia» Cichanoŭskaja, HRAMADSTVU TREBA ŠTOŚCI RABIĆ», — napisaŭ jašče adzin.

Śviatłana Cichanoŭskaja prezientuje prajekt alternatyŭnaha biełaruskaha pašparta ŭ Jeŭraparłamiencie. 13 vieraśnia 2023 hoda. Fota Ofisa Cichanoŭskaj

Matuznaja adkazvała amal usim «pošła na*uj» i «zavali» (u sensie — «zamaŭčy»). U kancy reziumavała, što pojdzie čytać čarhovuju svarku pamiž pradstaŭnikami rasijskaj apazicyi.

Karystalniki taksami reziumavali tred. 

Lidar rasijskaj apazicyi Alaksiej Navalny asudžany na 19 hadoŭ źniavoleńnia i znachodzicca ŭ turmie. Hetaha 47-hadovaha antykarupcyjnaha rasśledavalnika atrucili «Navičkom» rasijskija śpiecsłužby, ale jon paśla lekavańnia ŭ Hiermanii viarnuŭsia na radzimu, dzie jaho źniavolili.

Čytajcie taksama:

Cichanoŭskaja vystupiła ŭ Jeŭraparłamiencie i papiaredziła, što pryjdzie ŭ kožny ŭrad z prośbaj pryznać novy pašpart

Cichanoŭskaja abmierkavała prablemy biełarusaŭ u MUS Litvy

Viačorka raskryŭ vierahodnyja terminy pačatku vydačy alternatyŭnych biełaruskich pašpartoŭ i nazvaŭ kolkaść krain, užo hatovych ich pryznać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
40
Панылы сорам
45
Ха-ха
48
Ого
4
Сумна
6
Абуральна
11
1
Anton/adkazać/
15.09.2023
Tak u nich i Paźniaka niet, niet Franaka, Azarova, Sachaŝika, Ciepkały, Karač, Makara, Fieduty....
6
Lidier/adkazać/
17.09.2023
Tichanovskaja nikakoj nie lidier, a vsieho liš simvoł, kak i Hrieta. Za čužije dieńhi razjezžajet po miru, sobirajet siełfi s politikami i hovorit tolko to, čto sohłasovano s jejo sponsorami. 
2
Istvud/adkazać/
18.09.2023
Lidier, łukašienko nikakoj nie lidier, a vsieho liš uzurpator, kak i vsie ostalnyje chunty. Za čužije dieńhi razjezžajet po rf, sobirajet siełfi s uzurpatorami takoho žie ranha i hovorit tolko to, čto sohłasovano s kriemlevskim sponsoram.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930