Znajści
Ałharytmičny łacinski varyjant
13.09.2023 / 19:533RusŁacBieł

Zamiest «apieratyŭnaj hulni» čamuści pabiehli adrazu zdymać kino. «Biełpoł» zrabiŭ svoj analiz prapahandysckaha filma KDB pra «terarystaŭ»

Kamitet dziaržbiaśpieki abvinavaciŭ u pracy na SBU piaciarych žycharoŭ Biełarusi, a taksama zatrymaŭ ukrainca, jaki, jak śćviardžajecca, rabiŭ tajniki sa zbrojaj u prymiežnych rajonach. Filmy pra heta ŭviečary 11 vieraśnia pakazali na ŭsich dziaržaŭnych telekanałach. Adrazu paśla ich vychadu my pierakazvali asnoŭnyja momanty, jakija ŭ hetych tvorach fihuravali. Byłyja ž siłaviki, abjadnanyja ŭ inicyjatyvie «Biełpoł», hlanuli na źmiest filma «Biesy teroru» prafiesijnym vokam i napisali pra zaŭvažanyja imi niestykoŭki.

Byłyja siłaviki z «Biełpoła» źviartajuć uvahu, što ŭ filmie nie pryvodzicca anivodnaha dokazu, što «terakty» rychtavalisia mienavita ŭkrainskimi śpiecsłužbami. Niama ŭ im infarmacyi ni pra ŭstanovačnyja źviestki, ni pra pazyŭnyja, ni pra internet-akaŭnty, ni pra telefonnyja numary, ni pra choć by kaho-niebudź z «ukrainskich kurataraŭ».

A sami zatrymanyja błytajucca ŭ pakazańniach nakont taho, na jakija ŭkrainskija śpiecsłužby jany «pracavali», nazyvajučy navat takija, jakich va Ukrainie niama.

Nichto z zatrymanych nie moža nazvać kankretnaj mety, dziela jakoj nibyta rabilisia ichnija «dziejańni», adno tolki paŭtarajuć zavučanyja frazy pra «destabilizacyju abstanoŭki» i pra «achviar siarod mirnaha nasielnictva», jak zvyčajnyja ludzi nie kažuć.

Tak jak ciapier nijakija rasijskija vojski ŭ Biełaruś nie zavoziacca, to niezrazumieła, jakaja ŭ hety momant moža być stratehičnaja nieabchodnaść u praviadzieńni apieracyj dziela spynieńnia vajskovych ešałonaŭ.

U toj ža čas ździajśnieńnie realnych teraktaŭ na terytoryi Biełarusi moža vyklikać niepasredny ŭdzieł režymu Łukašenki sa svaim vojskam u vajnie, što Ukrainie vidavočna niepatrebna.

Padčas «rasśledavańnia» tak i nie byli prademanstravanyja vybuchovyja pryłady ŭ sabranym vyhladzie i toje, što było ŭ schovankach razam ź nibyta kanfiskavanaj zbrojaj i vybuchoŭkaj.

Ujaŭny ž «teraryst» Pavieł Vabiščevič uvohule ŭjaŭleńnia nie maje, jak treba zakłaści vybuchoŭku na čyhunačnaj kalainie, a da taho ž pierad praviadzieńniem takoj važnaj i składanaj «apieracyi» nibyta jašče i napivajecca. Vyhladaje vielmi nievierahodna.

Što tyčycca asnoŭnaha abvinavačvanaha Viačasłava Barodzija, to jon, pavodle zapeŭnieńniaŭ biełaruskich kadebešnikaŭ, nibyta zavierbavany i padrychtavany Hałoŭnym upraŭleńniem raźviedki Ukrainy, a vykarystoŭvajecca čamuści jaho kankurentam — Słužbaj biaśpieki Ukrainy.

Akramia taho, pytańni vyklikaje toje, što jon byŭ nibyta «ŭzbrojeny» pistaletam «Zih-zaŭer» z hłušycielem, choć ahientaŭ-dyviersantaŭ zvyčajna zabiaśpiečvajuć zbrojaj, jakaja vykarystoŭvajecca masava siłavikami toj krainy, u jakuju ahient zasyłajecca. U biełaruskim vypadku heta pistalet Makarava, a nie «Zih-zaŭer», jaki ŭ Biełarusi vykarystoŭvaje tolki hrupa «Alfa».

«Biełpoł» źviartaje ŭvahu i na toje, što zatrymańni adbylisia 26 žniŭnia i 4 vieraśnia, h. zn. zusim niadaŭna, rasśledavańnie kryminalnych spraŭ znachodzicca na pačatkovaj stadyi. Kryminalnyja spravy majuć hryf sakretnaści, a dziaržprapahanda ŭžo paśpieła źniać ceły film sa śpiecefiektami.

Uvohule ž, samaje važnaje toje, što kali b KDB sapraŭdy raskryŭ zamiežnuju ahienturu, jakaja mieła realnyja vybuchovyja pryłady i płanavała ździajśnieńnie teraktaŭ, to ŭ abaviazkovym paradku viałasia b «apieratyŭnaja hulnia» pa dakumientavańni datyčnaści da hetaj dziejnaści zamiežnych śpiecsłužbaŭ, vyjaŭleńni asob «kurataraŭ», kanałaŭ dastaŭki ŭ Biełaruś zbroi, bojeprypasaŭ i vybuchovych rečyvaŭ, abjektaŭ terarystyčnaj pahrozy i h. d.

A zamiest hetaha łukašenkaŭskija kadebisty čamuści adrazu pabiehli zdymać pra «terarystaŭ» kino.

Całkam analiz «Biełpoła» možna pračytać pa spasyłcy.

Čytajcie taksama:

KDB aryštavaŭ šeść čałaviek pa abvinavačańni ŭ pracy na Ukrainu i sprobach padryvu ciahnikoŭ z vajskovaj technikaj

Suprać stvaralnikaŭ «Bajpoła» adkryli śpiecyjalnuju vytvorčaść

Palitołah raskazaŭ, chto i kali spynić Azaronka i Mukavozčyka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
21
Панылы сорам
0
Ха-ха
14
Ого
0
Сумна
1
Абуральна
1
0
hladač /adkazać/
13.09.2023
Chiba kdb pieršy raz zdymaje svajo kino? Za 30 hadoŭ možna było i pryzvyčaicca da "błakbasteraŭ" ad NKVD. 
0
daviedka/adkazać/
13.09.2023
KHB priuročił tri filma ob odnich i tiech žie tierroristach k dniu roždienija Fieliksa Dzieržinskoho 11 sientiabria.
0
daviedka/adkazać/
13.09.2023
V etot raz filmov było ciełych tri (s raznymi nazvanijami) tolko na hosudarstviennych kanałach BT, ONT, STV.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930