Kačynaja hrudka ŭ miadova-apielsinavaj hłazury — pakaštujcie i nie rasčarujeciesia

Fota: Getty Images

Kab pryhatavać hetuju trochi ekzatyčnuju, ale zusim nie składanuju stravu, spatrebicca:

• dźvie kačynyja hrudki
• 2 vialikija apielsiny
• 10 maładych bulbin, zvaranych u padsolenaj vadzie, a zatym razrezanych napałovu
• 2 zubki časnaku, tonka narezanyja
• liście 1 pučka čabaru
• 120 h miodu

Jak hatavać:

1. Papiarednie nahrejcie duchoŭku da 180°C.
2. Ačyścicie i padzialicie adzin z apielsinaŭ, źnimicie cedru ź inšaha apielsina i vyciśnicie sok. Adkładzicie abodva ŭbok.
3. Pastaŭcie patelniu na słaby ci siaredni ahoń, pasalicie kačku, pakładzicie na patelniu biez aleju i smažcie 6—8 chvilin abo pakul skurka nie stanie chrumstkaj i załacistaj. Padčas hatavańnia źlivajcie lišni tłušč.
4. Vykładzicie file na blachu i pastaŭcie ŭ duchoŭku na 4 chviliny.
5. Tym časam znoŭ pastaŭcie patelniu na ahoń i dadajcie miod, apielsinavy sok i cedru, časnok i pałovu čabaru. Adkładzicie ŭ jakuju-niebudź jomistaść pałovu hetaha sousu. Dadajcie bulbu i dolki apielsina i praciahvajcie hatavać, pakul jany nie stanuć lipkimi. Adstaŭcie ŭbok.
6. Tym časam dastańcie kačku z duchoŭki i dobra pašmarujcie jaje sumieśsiu z patelni, pakinutaj u asobnaj jomistaści.
7. Viarnicie ŭ duchoŭku na 2-3 chviliny, kali vam padabajecca nie vielmi mocna prapiečanaje miasa (i hatujcie niekalki chvilin, kali addajacie pieravahu siaredniamu ci mocnamu padsmažvańniu). Dastańcie i dajcie pastajać nie mienš za 5 chvilin.
8. Kali budziecie hatovyja jeści, daviadzicie sous na patelni da kipieńnia, raskładzicie sous i bulbu na dźvie talerki. Razrežcie kačynuju hrudku na 5 abo 6 častak i pakładzicie źvierchu, pasypaŭšy liściem čabaru, jakoje zastałosia. Padavajcie ź lubimaj harodninaj.

Čytajcie taksama:

Na Kamaroŭcy zaŭvažyli mamordziku. Što heta takoje i kolki kaštuje?

Tartar z zapiečanaj harodniny — alternatyva papularnaj miasnoj zakuscy z syroha faršu

Sup ź lasnych hryboŭ

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH