Znajści
Ałharytmičny łacinski varyjant
01.09.2023 / 20:4424RusŁacBieł

Prapahandysta Špakoŭskaha zrabili dypłamatam

U telehram-kanale ATN paviedamili, što viadomy prapahandyst Alaksandr Špakoŭski atrymaŭ pryznačeńnie pa dypłamatyčnaj linii.

Pavodle hetaha paviedamleńnia, Špakoŭski pryznačany daradcam-pasłańnikam pasolstva Biełarusi ŭ Rasii.

Alaksandr Špakoŭski — adzin z najbolš viadomych biełaruskich prapahandystaŭ, jaki ŭ kole tych «havoračych hałoŭ», jakija absłuhoŭvajuć režym Łukašenki, joje sprabuje ihrać rolu palitołaha-intelektuała. Jon užo bolš za dziasiatak hadoŭ razam z takimi prapahandystami, jak Vadzim Hihin, Alaksiej Dzierman, Piotra Piatroŭski i inšyja, rehularna kamientuje biahučyja padziei, jaho pastajanna zaprašajuć udzielničać u jakaści ekśpierta ŭ prapahandysckija prahramy ŭ Biełarusi i Rasii.

Jak i niekatoryja inšyja praŭładnyja prapahandysty, Špakoŭski pačynaŭ svaju karjeru ŭ šerahach apazicyjnaha režymu Łukašenki ruchu, jon viadomy jak adzin z achoŭnikaŭ kandydata ŭ przidenty Alaksandra Milinkieviča na prezidenckich vybarach 2006 hoda. Dakładna nieviadoma, ci mieŭ Špakoŭski suviazi z uładami ŭžo tady, ale praź niekalki hadoŭ jon całkam u struktury hetaj ułady ŭpisaŭsia, zaniaŭšy nišu nibyta farmalna niezaležnaha, ale na spravie pasłuchmianaha nośbita praŭładnych mesedžaŭ.

Praŭda, vialikaj karjery Špakoŭski nie zrabiŭ, nijakich surjoznych pasad usie hetyja hady jamu nie prapanoŭvali, kali nie ličyć kiraŭnictva stvoranym śpiecyjalna pad jaho infarmacyjna-analityčnym centram «Aktualnaja kancepcyja», a taksama vykanańnie funkcyi ŭpaŭnavažanaha pa pravach žurnalistaŭ pry praŭładnym Biełaruskim sajuzie žurnalistaŭ.

U toj ža čas byvali ŭ Špakoŭskaha i niečakanyja zajavy. Tak, kali paśla śviatkavańnia sioletniaha Dnia Pieramohi Łukašenka, jaki padčas uračystaściaŭ u Maskvie i Minsku vyhladaŭ vielmi kiepska, a paśla na peŭny čas uvohule źnik i pra jahony stan zdaroŭja stali pašyracca ŭsialakija dla kaho radasnyja, a dla kaho tryvožnyja čutki, Špakoŭski 14 maja niečakana napisaŭ post, u jakim zajaviŭ: 

«Zrazumieła, što ŭ najbližejšyja hady zaviaršycca epocha Łukašenki, jaki staŭ stvaralnikam biełaruskaj dziaržavy, adpaviedna, patryjotam budzie nieabchodna zabiaśpiečyć pierajemnaść ŭłady i kursu, nie razvalicca na składniki, pierasvaryŭšysia miž saboj.

Pakul ža ŭ hetym łahiery, kali aceńvać mienavita «hramadzianskuju supolnaść», a nie dziaržaŭny aparat, razbrod i chistańnie, sprečki pra koler stužačak, pošuki schavanych «nacyjanalistaŭ» i navat stvareńnie telehram-kanałaŭ z uzajemnymi abvinavačańniami».

Nie vyklučana, što padobnyja dopisy na kazytlivyja temy nie byli ŭzhodnienyja z kuratarami i prymusili ich zadumacca, ci adpaviadaje asoba Špakoŭskaha tym zadačam, jakija ciapier stajać pierad łukašenkaŭskaj prapahandaj. Mahčyma, tamu jaho i pieraviali na novy ŭčastak pracy. Pasada, na jakuju jaho pryznačyli, nie vyhladaje takoj, pra jakuju ambicyjny čałaviek usio žyćcio maryŭ i bolš za dziasiatak hadoŭ dziela hetaha pracavaŭ.

Zrešty, nielha vyklučać taksama, što metaj pryznačeńnia moža być i nadańnie vahi niaredkim vystupam Špakoŭskaha na rasijskim telebačańni. Z hetaha momantu jany, vidać, uvohule majuć šancy stać sistematyčnymi. I heta, mahčyma, pakazčyk značeńnia, jakoje režym ciapier nadaje pracy z rasijskaj aŭdytoryjaj.

Čytajcie taksama:

«Usia heta vajna nam nach** nie patrebna». Cmierć Pryhožyna adbiłasia na nastrojach biełaruskich i rasijskich prapahandystaŭ

Prapahandyst Špakoŭski napisaŭ prahramny post: U najbližejšyja hady zaviaršycca epocha Łukašenki

«Zmaharydze — usio!» Łukašenkaŭskija prapahandysty ŭ hruzinskich padziejach vybrali svoj bok

«Usio značna horš». Rasijskija Z-kanały ŭ jaraści ad videa z dronam u Mačuliščach

Prapahandyst Špakoŭski: Brest — zachodnija miežy ruskaj cyvilizacyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
10
Ха-ха
13
Ого
3
Сумна
1
Абуральна
2
4
Maksim Dizajnier/adkazać/
02.09.2023
Nu a čie, plus 2k nie biełaruskich k zarpłatie. Chodi tuda-siuda po Moskvie po otličnym riestoranam i parkam, osnovnaja časť raboty. Zavidujtie mołča, dipłomaty kanapnyje.
0
daviedka/adkazać/
02.09.2023
Špakovskij budiet tiepieŕ u Sołovjova v prohrammie čaŝie tusiť v statusie sovietnika-posłańnika, a to Hihin, biednyj, odin nadryvajetsia, vsiu etu niedielu otpachał jazykom v ježiednievnom riežimie...
0
daviedka/adkazać/
02.09.2023
Špakovvskij nienadiožnyj čiełoviek i soratnik, kotoryj v luboj momient možiet priedať,  pierieobuťsia i pieriemietnuťsia v protivopołožnyj łahieŕ, kak eto było užie v načale 2000-ch hodov, kohda on iznačalno načinał v ličnoj ochranie Milinkieviča... Zaniatno inohda nabludať kadry archivnoho vidieo, hdie so stupieniej zdanija Nacionalnoj akadiemii nauk vystupajet Milinkievič, a śleva ot nieho na pieriedniem płanie zorko bdit v tołpu jeho mołodoj ochrańnik Sania Špakovskij.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930