Znajści
Ałharytmičny łacinski varyjant
01.09.2023 / 16:372RusŁacBieł

Sietka supiermarkietaŭ u Vialikabrytanii adklikaje piačeńnie, bo spasyłka na jaho ŭpakoŭcy viadzie na sajt dla darosłych

U kancy žniŭnia brytanskaje adździaleńnie Lidl vymušana było źniać z prodažu čatyry vidy piečyva va ŭpakoŭcy ŭ styli papularnaha dziciačaha multfilma «Ščaniačy patrul»: vyjaviłasia, što spasyłka na sajt vytvorcy viadzie na sajt z porna. Jak tak atrymałasia?

Papiaredžańnie sietki kramaŭ Lidl. Fota: Ch (były Twitter) @WhichUK

Jak piša Le Monde, pakupniki mohuć viarnuć tavary ŭ najbližejšuju kramu i atrymać svaje hrošy nazad. Pryčynaj hetaha jość spasyłka, raźmieščanaja na ŭpakoŭcy ź piečyvam, jakaja pavinna nakiroŭvać na sajt vytvorcy. U jaje tekście źmiaščajecca słova «dzieci» (kids). Ab tym, što spasyłka nasamreč pieranakiroŭvaje na pornasajt, raźmieščany ŭ Kitai, aburanyja baćki paviedamili vydańniu The Sun.

Što ž stała pryčynaj hetaha skandału? Chakierskaja ataka, złamysnaje ŭmiašańnie, čałaviečy faktar?

Nie, usio značna praściej: fabryka, što vypuskała heta piečyva, spyniła svajo isnavańnie ŭ 2022 hodzie. Na pakunku z pradukcyjaj, jakaja jašče nie sapsavałasia, była spasyłka na «pravilny» sajt, ale pradpryjemstva paśla zakryćcia spyniła apłatu pasłuh chostynhu.

Zvyčajna tolki što zakryty sajt ź vialikaj kolkaściu naviedvalnikaŭ pryvablivaje tych, chto choča ź minimalnymi vydatkami stvaryć pornasajty, sajty azartnych hulniaŭ abo sajty-ašukancy.

Na praciahu niekalkich miesiacaŭ sajt usio jašče zachoŭvaje dobraje miesca ŭ pošukavych sistemach, a spasyłki, jakija viaduć da jaho, zastajucca aktyŭnymi, navat kali jaho źmiest całkam źmianiŭsia.

Aŭtamatyzavanyja pryłady dazvalajuć adsočvać damiennyja imiony, termin dziejańnia jakich tolki što skončyŭsia, a taksama aceńvać ich trafik. Heta daje mahčymaść niadobrasumlennym pradprymalnikam vykuplać ich za niekalki jeŭra. Heta svajho rodu kibierskvotynh — vykarystańnie čužoha damiennaha imia ŭ karyślivych metach.

Čytajcie jašče:

Bujnyja handlovyja sietki — fabryka stvareńnia adkidaŭ. I jany ŭparciacca

Jak u Francyi sprabujuć abmiežavać dostup niepaŭnaletnich da parnahrafii

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
3
Ого
0
Сумна
1
Абуральна
0
0
Hy/adkazać/
01.09.2023
Dyk a dzie sama spasyłka?))
3
Aleś/adkazać/
01.09.2023
V čiem problema? Pusť smotriat i dołbiatsia. Cie Jevropa.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930