Znajści
Ałharytmičny łacinski varyjant
01.09.2023 / 12:432RusŁacBieł

Prezident Łatvii patłumačyŭ, čamu jon daje intervju ruskamoŭnym miedyja pa-łatyšsku

Prezident Łatvii Edhar Rynkievič patłumačyŭ svajo rašeńnie davać ruskamoŭnym miedyja intervju na łatyšskaj movie — takim čynam kiraŭnik dziaržavy maje namier «maksimalna padkreślić kaštoŭnaści Satversme (Kanstytucyi)» i zaachvocić žycharoŭ da vyvučeńnia dziaržaŭnaj movy. Pra heta Rynkievič raspavioŭ u intervju Łatvijskamu radyjo, piša Delfi.lv.

Fota: instahram Edhara Rynkieviča

Na svajoj pieršaj pres-kanfierencyi paśla abrańnia prezidentam Rynkievič zajaviŭ, što nie vyklučaje mahčymaści razmaŭlać na ruskaj movie. Ciapier u intervju Łatvijskamu radyjo prezident skazaŭ: «Na pres-kanfierencyi ja kazaŭ, što ŭ asnoŭnym budu razmaŭlać pa-łatyšsku. Ja nie vyklučaju mahčymaści kali-niebudź kamunikavać pa-rusku. Ciapier ja ŭ asnoŭnym razmaŭlaju pa-łatyšsku».

Pavodle słoŭ Rynkieviča, jon robić heta ź dźviuch pryčyn. Pa-pieršaje, siońnia abvastryłasia dyskusija ab tym, što rabić z hramadzianami Rasii, jakija pavinny zdać ekzamien pa łatyšskaj movie, kab zachavać dazvoł na žycharstva ŭ Łatvii. Pa-druhoje, kiraŭnik dziaržavy padkreśliŭ, što maładyja ludzi adčuvajuć u Łatvii dyskryminacyju: ich nie najmajuć na pracu praź niaviedańnie ruskaj movy.

Prezident zapeŭniŭ, što budzie spryjać zhurtavanaści nasielnictva Łatvii i intehracyi.

«Zaraz ruskamoŭnyja miedyja pavinny z hetym ličycca — ja daju sihnał, što treba vyvučyć łatyšskuju movu, a nie skardzicca, što za tryccać hadoŭ vy jaje nie asvoili ci nie mieli takoj mahčymaści. Ciapier takaja mahčymaść jość», — skazaŭ na zakančeńnie prezident Łatvii.

Čytajcie taksama:

Prezident Łatvii — nastaŭnikam: U vas jość prava na zabastoŭku. Zmahajciesia za svaje pravy

Urad Łatvii ŭznačalić Evika Silinia. Takim čynam, uradami ŭsich troch krain Bałtyi kirujuć žančyny

Prezidentam Łatvii abrali Edhara Rynkieviča. Jon nie raz sustrakaŭsia ź Cichanoŭskaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
1
Ха-ха
0
Ого
2
Сумна
0
Абуральна
0
2
Varyjant na kožny dzień/adkazać/
01.09.2023
Pryhoža patłumačyŭ. A možna ž kazać, maŭlaŭ, vaš jazyk taki vialikij, zamiečatielnyj i bahatyj, što mnie budzie stydna havaryć na niom z ašipkami i ačiepiatkami na svajoj łatyšskaj, biełaruskaj i inš. Na niom sam Puškin razhavarivał!.. a ja nie mahu, sory.
1
Vierojatnyj/adkazać/
01.09.2023
Bo jon pradstaŭlaje dziaržavu. Nie razumieju, što tut tłumačyć. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera