Znajści
Ałharytmičny łacinski varyjant
01.09.2023 / 10:476RusŁacBieł

Kiroŭnaja «Hruzinskaja mara» zapuściła praceduru impičmientu prezidentu Sałame Zurabišvili

Kiroŭnaja partyja «Hruzinskaja mara» zapuskaje praceduru impičmientu prezidentu Hruzii Sałame Zurabišvili. Pryčyna — vizity prezidenta ŭ Jeŭropu, nie ŭzhodnienyja z uradam. Pra heta abviaściŭ lidar partyi Iraklij Kabachidze, piša «Echo Kavkaza».

Sałame Zurabišvili. Fota: Mzia Saganelidze / «Radyjo Svaboda»

Dla impičmientu prezidentu nieabchodnyja hałasy 100 deputataŭ parłamienta. U kiroŭnaj partyi niama takoha resursu.

«Učora i pazaŭčora my nieadnarazova pakazvali, što, niahledziačy na hrubaje parušeńnie Kanstytucyi, u ciapierašniaj palityčnaj situacyi impičmient nie moža być ažyćcioŭleny. Dla zaviaršeńnia impičmientu nieabchodnaja padtrymka 100 parłamientaryjaŭ, i tamu biez hałasoŭ radykalnaj apazicyi ŭ jaho niama pierśpiektyvy vykanańnia. Niahledziačy na heta, na pasiadžeńni rady partyi my pryniali rašeńnie inicyjavać praceduru impičmientu prezidentu Hruzii. Pierš za ŭsio heta naša adkaznaść pierad Kanstytucyjaj Hruzii. Ihnaravańnie aburalnych parušeńniaŭ Kanstytucyi padryvaje viaršenstva zakona i demakratyčnuju kanstytucyjnuju sistemu, čaho my nie možam dapuścić», — adznačyŭ Kabachidze.

Jon śćviardžaje, što vizity prezidenta «kontrpradukcyjnyja», što jany mohuć pieraškodzić atrymańniu Hruzijaj statusu kandydata na ŭstupleńnie ŭ ES.

Raniej urad nie ŭchvaliŭ zamiežnych vizitaŭ Zurabišvili. Niahledziačy na heta, jana adpraviłasia ŭ Bierlin na sustreču z prezidentam FRH Frankam-Valteram Štajnmajeram, siońnia ŭ Brusieli zapłanavana sustreča z prezidentam Jeŭrapiejskaj rady Šarlem Mišelem. U administracyi ŭrada Hruzii zajavili, što nie ŭchvalili pajezdki prezidenta ŭ Hiermaniju, Ukrainu, Šviejcaryju, Polšču, Bielhiju, Daniju, AAE, Bałharyju, Čechiju i Izrail.

Zhodna z Kanstytucyjaj Hruzii, prezident krainy ažyćciaŭlaje pradstaŭničyja paŭnamoctvy ŭ zamiežnych znosinach sa zhody ŭrada.

Sałame Zurabišvili stała prezidentam Hruzii ŭ 2018 hodzie dziakujučy padtrymcy «Hruzinskaj mary» i jaje zasnavalnika miljardera Bidzina Ivanišvili. Adnosiny prezidenta i ŭrada stali paharšacca paśla pačatku vajny va Ukrainie. Termin jaje paŭnamoctvaŭ zakančvajecca vosieńniu 2024 hoda.

Zurabišvili — paśladoŭnaja prychilnica kursu na jeŭraintehracyju Hruzii.

Čytajcie taksama:

U Batumi znoŭ błakavali rasijski turystyčny łajnier, na jaho borcie byŭ i śpiavak ź Biełarusi

Prezident Hruzii pamiłavała hiendyrektara apazicyjnaha telekanała. Žurnalist — adzin z samych nieprymirymych krytykaŭ urada

Prezidentka Hruzii zapatrabavała ad urada pastrožyć umovy znachodžańnia rasijan u krainie i vyznačycca pa Ukrainie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
11
Ха-ха
7
Ого
0
Сумна
0
Абуральна
3
6
Maksim Dizajnier/adkazać/
01.09.2023
Hruzija heta Eŭropa,

Hruzija - eto Zakavkaźje, a nie Jevropa. Dvoječnik.
2
Lolik z-pad Limasoła/adkazać/
01.09.2023
jakaja ŭ sakartvełaŭ karotkaja pamiać( 
ale, moža, kali imi kiravać budzie smaktač pucinskaj sraki, dyk moža niešta ŭskipić u ludziach
3
rom/adkazać/
01.09.2023
biełaruskija braty)) 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera