Znajści
Ałharytmičny łacinski varyjant
03.09.2023 / 12:411RusŁacBieł

Modnaja vosień pa-biełarusku. Trendavyja rečy možna znajści navat u bresckaj «Kalincy»

Biełaruskija dyzajniery nie adstajuć ad suśvietnych padmostkaŭ. Sabrali padborku ultramodnych rečaŭ ad ajčynnych brendaŭ.

Nastupny siezon vyłučajecca raznastajnaściu trendaŭ: u modzie buduć jak prytalenyja sukienki ŭ styli retra, tak i hipiertrafiravany aviersajz 80-ch. My razhledzieli modnyja tendencyi i vyśvietlili, dzie možna nabyć stylnaje adzieńnie.

Old Money 

Trend na adzieńnie ŭ styli brytanskaj załatoj moładzi nabiraje papularnaść. U jaho asnovie prostyja siłuety, čystyja kolery i nievialikija, ale jakasnyja aksesuary. Ikonaj hetaha stylu pa pravie ličycca łedzi Dyjana, jakaja prapahandavała kamfort u spałučeńni ź nieśmiarotnaj kłasikaj.

Kali vaš biudžet nie dazvalaje nabyć Ralph Lauren, to ŭ pošukach modnych rečaŭ možna adpravicca ŭ «Kalinku». I heta nie žart. Pradpryjemstva nastolki doŭha nie abnaŭlała niekatoryja lakały, što jany znoŭ viarnulisia ŭ modu. Naprykład, hetyja topy mohuć stać vydatnaj bazaj.

Fota: instahram brenda

U novaj kalekcyi «Kalinki» možna adznačyć žoŭty kardyhan i błakitny žakiet. Takija rečy stanuć dobrym dadatkam da łukaŭ — u spałučeńni z džynsami, biełymi štanami i prostaj biełaj futbołkaj.

Fota: instahram brenda

Padrabiaźniej pra toje, jak sabrać harderob u styli Ołd Mani, hladzicie ŭ našym TikTok.

Etničnyja matyvy

Usio čaściej dyzajniery zadumvajucca ab nacyjanalnaj identyčnaści i abyhryvajuć etničnyja matyvy, sprabujučy adaptavać ich pad sučasnaść. Tak źjaŭlajucca aktualnyja rečy, jakija niasuć hłyboki kulturny padtekst.

Fota: instahram brenda

Cikavuju interpretacyju etniki možna znajści ŭ brenda LSTR. Admysłovuju ŭvahu varta źviarnuć na cišotki i chudzi z mudrahielistymi ŭzorami.

Napaŭprazrystaje

Aholenaje cieła — adzin z samych vostrych trendaŭ. Jon źjaviŭsia ŭ procivahu ŭźnikłamu na modnych padmostkach kansiervatyzmu i zaklikaje nie saromiecca svajoj halizny. Tak u modu ŭvajšli razrezy, hłybokaje dekalte i rečy, stvoranyja z napaŭprazrystych tkanin.

Fota: instahram brenda

Adaptavać taki trend dla paŭsiadzionnaha žyćcia dastatkova składana, ale možna schitravać i nasić «hołyja» rečy z druhim płastom — doŭhim pinžakom, kašulaj abo sukienkaj. Pikantnaje adzieńnie možna znajści ŭ NUDE.

Usie adcieńni bežavaha

Bežavy koler viartajecca. Hetym razam u modu ŭvachodzić nie niejkaje peŭnaje adcieńnie, a składanyja miksy ŭ bežavaj palitry. Hałoŭnaje tut — nie pierabrać. Kali vy nie ŭpeŭnienyja ŭ svaich stylistyčnych mahčymaściach, lepš abmiežavacca dvuma-tryma adcieńniami na łuk.

Fota: instahram brenda

Niekalki rečaŭ z bežavaj palitry my znajšli ŭ «Elemy». Niadaŭna hety brend byŭ złoŭleny na płahijacie, ale, u adroźnieńnie ad zapazyčanych rečaŭ, hetaje palito ŭ modnym adcieńni Seedpearl zdajecca vydatnaj dyzajnierskaj pracaj.

Hipiertrafiravany aviersajz

Aviersajz vychodzić na novy ŭzrovień — rečy stanoviacca ŭtryravana-vialikimi. Dapaŭniać takija varta dziavočym sukienkami, šaŭkovymi spadnicami abo karunkavym štanami.

Fota: instahram brenda

Nabyvajučy hipier-aviersajz pamiatajecie, što takija rečy adnosiacca da hrupy virusnych trendaŭ — tych, što buduć mieha-papularnymi peŭny čas, ale nieŭzabavie sastupiać miesca novamu. Kali heta vas nie turbuje — adpraŭlajciesia za abjomnym čornym pinžakom u OVRSƧ.

Daŭžynia midzi i maksi

Daŭžynia maksi adlustroŭvaje, jak źmianiajucca pohlady na modu, kamfort i seksualnaść žančyn, ale šmat u čym na raźvićcio hetaha trendu paŭpłyvała zacikaŭlenaść dyzajnieraŭ kulturaj Uschodu.

Fota: instahram brenda

Doŭhija ŭbory adkryvajuć mahčymaść dla ekśpierymientaŭ z teksturami i abjomami, dazvalajučy stvarać cikavyja vizualnyja efiekty. Nasić takija rečy rekamiendujuć z padoŭžanymi švedrami, aviersajz-pinžakami i šyrokimi futbołkami. Pryhožyja sukienki i spadnicy možna nabyć u brenda MSTEFA.

Denim 

U hetym siezonie trend na nulavyja adlustroŭvajecca praz denim. Siońnia marki nie abmiažoŭvajucca kłasičnymi błakitnymi i sinimi adcieńniami džynsaŭ i kurtak, a prapanujuć niadbajny vyhlad, stvarajučy paciortaje adzieńnie z efiektam «brudu».

Fota: instahram brenda

Dyzajniery rekamiendujuć ekśpierymientavać i spałučać džynsu z šaŭkovymi i karunkavymi topami, a taksama prazrystymi tunikami. Znajści niadrennyja džynsavyja žakiety možna ŭ Mark Formelle.

Ofisny styl 

Dyzajniery ŭvieś čas raspracoŭvajuć novyja interpretacyi kłasičnych elemientaŭ ofisnaha adzieńnia, robiačy jaho bolš sučasnym i stylnym. Hetaj vosieńniu ŭ modzie buduć kreatyŭnyja dziełavyja kaściumy z asimietryčnymi kišeniami, akcentnymi plačyma i aviersajz-pinžaki. Apošnija mohuć słužyć vydatnym fonam dla akcentaŭ: jarkich aksesuaraŭ, pajasoŭ, brošak i tonkich šalikaŭ.

Fota: instahram brenda

Niezvyčajnyja kaściumy stvaraje brend Kardash. Darečy, marka rychtujecca da adkryćcia novaj placoŭki i z hetaj nahody prapanuje klijentam nabyć vaŭčar na źnižku, jaki možna budzie abnajavić na praciahu hoda.

Daviedacca, u jakich kolerach varta nabyvać trendavaje adzieńnie možna z hetaha našaha materyjału.

«Naša Niva» — bastyjon biełaruščyny

PADTRYMAĆ

Čytajcie taksama:

Top kaśmietyčnych praduktaŭ made in Belarus, jakija možna vykarystoŭvać u štodzionnym makijažy

Marka adzieńnia Conte raźmiaściła rekłamu z aktrysaj Sašaj Borcič, ale nieŭzabavie vydaliła. Što zdaryłasia?

Piać rečaŭ, jakija psujuć luby vobraz

Kaciaryna Hardziejeva

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
janaviernastarajaa/adkazać/
04.09.2023
šozaužosnach?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031