Znajści
Ałharytmičny łacinski varyjant
05.08.2023 / 18:332RusŁacBieł

Ad biksi da šehi. Trendavyja pryčoski biełaruskich zorak

Pahladzieli, jakija stryžki i ŭkładki buduć u trendzie ŭ najbližejšyja miesiacy, i znajšli biełaruskich zorak, jakija ich nosiać.

Biksi

Stryžka Bixie — sučasnaja kambinacyja papularnych raniej pryčosak piksi i bob. Heta karotkaja pryčoska — sapraŭdny chit siezona. Biksi jość praciaham trendu Old Money i adsyłaje nas da stylu brytanskaj załatoj moładzi. Asnova stryžki — kasaja hryŭka, lohkaja niadbajnaść i paholenyja skroni.

Taki varyjant asabliva padydzie ŭładalnicam niepasłuchmianych vałasoŭ, bo čym «uparciej» jany pavodziać siabie pry sušeńni, tym bolš stylny atrymlivajecca łuk. Trendavuju stryžku nosić baskietbalistka Kaciaryna Snycina.

Fota: instahram Kaciaryny Snycinaj

Ultrakarotki paž

Varyjant dla samych śmiełych — ultrakarotkaja stryžka ŭ spałučeńni z afarboŭkaj błond. Rašajučysia zrabić takuju, viedajcie, što heta pryčoska dobra hladzicca na dziaŭčatach z pravilnymi rysami tvaru. Akramia taho, jana patrabuje idealnaha tonu skury.

Nie baicca śmiełych vobrazaŭ televiadučaja Kacia Pytleva.

Fota: instahram Kaciaryny Pytlevaj

Stryžki ŭ styli viasiołych 80-ch

Bjuci-majstroŭ nie adpuskaje nastalhija pa šumnych hadach. Ale kali na podyumach my čaściej sustrakajem hipiertrafavanyja zaviŭki ŭ styli pop-dzivaŭ 80-ch, to ŭ sacyjalnych sietkach trendy niekalki inšyja. Naprykład, u internet-zorak bolšaj papularnaściu karystajucca ścipłyja stryžki — šehi i malet.

Abjom, zrobleny pa typie zvykłaj nam «vaŭčycy», padtrymlivajecca niaroŭnym zrezam. U vyniku atrymlivajecca niadbajnaja i lohkaja ŭkładka. Jak hetaja stryžka nosicca ŭ realnym žyćci, možna pahladzieć na staronkach CityDog u instahramie i tyktoku — viadučaja kanałaŭ Alina nosić mienavita takuju.

Fota: instahram Aliny

Drobnyja kučaravinki

Zaviŭki znoŭ uvachodziać u modu. Hetym razam u trendzie drobnyja kučaravinki ŭ spałučeńni z kaskadnaj stryžkaj — jak u śpiavački Rusi. Čym bolš abjomu atrymlivajecca ad pryčoski — tym lepš, hałoŭnaje — sačyć za vałasami i svoječasova ich padkručvać. Inakš isnuje vysokaja ryzyka pieratvarycca z modnaj dziaŭčyny ŭ kopiju Kukłačova.

Uładalnicam naturalnych kudzieraŭ u płanie trendu pašancavała. Ale tym, kamu treba rabić zaviŭku, chvalavacca taksama nie varta: ciapier vykarystoŭvajucca śpiecyjalnyja chimičnyja sastavy, jakija nie psujuć vałasoŭ. Z dobrym dohladam jakaść vałasoŭ praktyčna nie paciarpić. 

Fota: instahram śpiavački

Roŭny zrez

Samaja prostaja ŭkładka ŭ našaj padborcy — dahledžanyja pramyja vałasy z roŭnym zrezam. Heta jašče adna madyfikacyja modnaha trendu Old Money. Takaja pryčoska dobra hladzicca na naturalnych vałasach i vałasach z afarboŭkaj Air-touch. Prostaja, ale modnaja stryžka ŭpryhožvaje śpiavačku Palina.

Fota: instahram śpiavački

Hryŭki

Hryŭki viartajucca ŭ modu, pryčym u roznych varyjantach. U trendzie miłyja padoŭžanyja, jak u opiernaj śpiavački Marharyty Laŭčuk, ci karotkija — u spałučeńni sa stryžkami ŭ styli military. Za małym sprava — navučycca hryŭku ŭkładvać. 

Fota: instahram śpiavački

Usia hetaja pryhažość zamienić pryčoski, jakija vyjšli ŭ tyraž, naprykład, dvuchuzroŭnievyja jarkija afarboŭki, jakija asabliva papularnyja siarod biełaruskich ajcišnic. Ale dziaŭčatam ź jarkimi vałasami nie varta pałochacca, bo samavyjaŭleńnie ŭ piersanalnym styli važniejšaje za trendy.

Fota: unsplash.com

Układki ŭ styli «halivudskaj chvali» taksama hublajuć aktualnaść. Ciapier jany padyduć vyklučna dla tematyčnych viečarynak u styli «ravučych dvaccatych». Tym, chto žadaje zastavacca ŭ trendzie, varta razhledzieć varyjant miakkaj chvali na adzin bok.

Fota: unsplash.com

Novuju pryčosku dapoŭnić pravilna padabranaje adzieńnie. Pahladzicie, jakija kolery buduć u modzie hetaj vosieńniu i jak vyhadna rabić pakupki ŭ čas rasprodažu.

Kaciaryna Hardziejeva

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
dočka Maksima Dizajniera/adkazać/
06.08.2023
[Red. vydalena]
0
začos/adkazać/
06.08.2023
ana pieršym fota eta malčyk ili dievačka ?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera