Znajści
Ałharytmičny łacinski varyjant
20.07.2023 / 12:452RusŁacBieł

Mikałaj Dziadok z-za krataŭ: Dapamahaje trymacca — heta dakładnaje razumieńnie taho, dziela čaho ty ciarpiš

Baćka źniavolenaha błohiera i pradstaŭnika anarchičnaha ruchu Mikałaja Dziadka raspavioŭ «Narodnaj Voli» pra apošnija naviny ad syna.

Mikałaj Dziadok

Dziadka zatrymali 11 listapada 2020 hoda. Błohiera pryznali vinavatym pa troch artykułach Kryminalnaha kodeksa: art. 342 — Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich; art. 361 — Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś; art. 295-3 — Niezakonnyja dziejańni ŭ dačynieńni da pradmietaŭ, dziejańnie jakich zasnavana na vykarystańni haručych rečyvaŭ.

Sud pryznačyŭ jamu pakarańnie ŭ vyhladzie 5 hadoŭ pazbaŭleńnia voli, chacia sam Mikałaj Dziadok viny nie pryznaŭ.

Letaś MUS Biełarusi ŭniesła Mikałaja Dziadka ŭ śpis asobaŭ, datyčnych da ekstremisckaj dziejnaści.

Adbyvaje pakarańnie viazień u Hrodzienskaj turmie №1.

«Voś maje «kolkasnyja pakazčyki» za minuły hod, — napisaŭ nie tak daŭno na volu Mikałaj. — Sportam ja zajmaŭsia 157 razoŭ na hod (u siarednim adzin zaniatak na 2,4 dni), johaj — 78 razoŭ.

Arabskaj movaj adnosna mała — adzin raz na 6,5 dzion, ale na praciahu piaci miesiacaŭ u mianie nie było padručnikaŭ. Za vyvučeńnie novych anhlijskich słoŭ braŭsia 103 razy.

Pračytaŭ za hod roŭna 60 knih. Pry hetym z 365 dzion amal treć (106 dzion) pravioŭ u ŠIZA. U cełym, ja liču, narmalna».

Raniej Mikałaj Dziadok paviedamiŭ, što jamu dapamahaje trymacca va ŭmovach turmy i presinhu.

«Pieršaje, što dapamahaje trymacca — heta dakładnaje razumieńnie taho, dziela čaho ty ciarpiš, a dla hetaha ŭ ciabie pavinien być dastatkovy bahaž viedaŭ, — napisaŭ błohier. — Druhoje — razumieńnie histaryčnaści i asensavanaści ŭsiaho, što z taboj adbyvajecca. I treciaje — vielmi pažadana mieć mocnaje koła blizkich adnadumcaŭ».

— Apošnim časam suviaź z synam jość, na hetym tydni ja atrymaŭ ad jaho dva listy zapar, — kaža Alaksandr Dziadok, baćka źniavolenaha błohiera. — Da jaho taksama maje listy jak byccam dachodziać. Taksama prykładna tydzień tamu Mikoła mnie telefanavaŭ.

— Jakija naviny ad jaho?

— U turmie jon siadzić u adzinočnaj kamiery. Šmat čytaje. Jość niekatoryja prablemy sa zdaroŭjem, ale my robim zachady, kab trochi jamu dapamahčy — vysłali miedycynskija preparaty.

Bolš ničoha ekstraardynarnaha ź Mikołam nie zdarajecca. Raniej jaho adpraŭlali i ŭ ŠIZA, i ŭ PKT, ale apošni miesiac, miarkujučy z usiaho, tudy nie traplaje.

— Pieradačy jamu zabaronieny?

— Tak, turemny režym ich nie praduhledžvaje. Jak i spatkańniaŭ. Dazvoleny tolki miedycynskija pieradačy. I telefanuje dzieści raz na miesiac. Razmaŭlajem prykłada pa 5-7 chvilin.

— Za taki karotki čas šmat navin nie paviedamiš…

— My Mikołu pra siabie amal ničoha i nie raspaviadajem, žyviem tym, čym žyvie siońnia naš syn. I čakajem, što, moža być, što-niebudź źmienicca da lepšaha.

Starajemsia padtrymać jaho listami, słovam, paradaj. Dy i prosta pačuć hołas syna — užo radasna.

Taksama pieraviali na jaho rachunak u turmie hrošy i kupili knihi, jakija syn prasiŭ — roznyja daviedniki, padručniki pa vyvučeńni zamiežnych moŭ…

— Mikoła paviedamiŭ, što ŭ turmie vyvučaje arabskuju movu…

— I vučyć jaje nie pieršy hod. Nakolki mnie viadoma, u hetym płanie ŭ syna niadrennyja vyniki.

Mikoła ŭ svoj čas vučyŭsia ŭ Jeŭrapiejskim humanitarnym univiersitecie i va ŭniviersitecie Vitaŭta Vialikaha ŭ Kaŭnasie i tady pisaŭ svaje dypłomnyja raboty na temy, źviazanyja ź Bližnim Uschodam. Tamu i pačaŭ vyvučać arabskuju movu.

— Fizičnuju formu ŭ turmie syn taksama padtrymlivaje?

— Nakolki mahčyma, bo pamier adzinočnaj kamiery zusim mały. Naprykład, kali stać pasiarod jaje i raźvieści ruki ŭ baki, to možna dastać amal da dźviuch ścienak. A voś stol vysokaja — da 5 mietraŭ u vyšyniu.

Hrodzienskaja turma — heta ž staraja pabudova, jana pačała pracavać jašče ŭ 1820 hodzie, tamu tam i siońnia chapaje roznych ekzatyčnych pamiaškańniaŭ.

Darečy, Mikoła na pastajannaj asnovie ŭžo daŭno zajmajecca johaj i praciahvaje heta rabić navat u turmie.

Čytajcie taksama:

Baćka palitviaźnia Mikoły Dziadka: Padtrymki vielmi nie chapaje

Strašnyja pakazańni palitviaźnia Dziadka ŭ sudzie: Vydaŭ paroli paśla taho, jak dušyli paduškaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
mimo prochodiłł/adkazać/
20.07.2023
Mužčina! Daj B-h zdorovja i vydieržki!
2
Hieroj Biełarusi!/adkazać/
20.07.2023
Nas šmat, my ničoha nie prabačym, šmat za miažoj sa sbrojaj. Miljony čakajuć u RB.

Navat u zabitym prapucinskim łapciestanie narod pavaliŭ na vulicy kali zajšoŭ pryhožyn a u nas usie budzie chutčej dy lahčej.


I pamiatajcie, šmat KHB dy kremlebotaŭ spamiać, kab prapichnuć 3 naracivy 1) Usie kiepska, ničoha nie budzie, biełarusy praihrali "adumalisia". stali "prarasijskimi". "narmalnych mieńšaść" 
2) Raskoł. (prapichnuć kahości choć čorta łysaha choć Capkału choć Makara choć Paźniaka choć Vusava, tolki b u nas nie było adzinaha pradstaŭnika, jaki pieramoh na vybarach dy sustrakajecca z Bajdenam)
3) "f biłarusi dvujazyčije pojetomu ni nado ničieho mieniať... kto chočiet... ruskij tožie naš, nie ubirajtie jeho, a to my v Biełorusśsiii protiv" (dla rusakoŭ heta vielmi balnaja tema, što ruskuju movu vyhaniajuć z usich krainaŭ)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031