Znajści
Ałharytmičny łacinski varyjant
20.07.2023 / 10:469RusŁacBieł

Mižnarodny Čyrvony Kryž adchryściŭsia ad pajezdak Šaŭcova na Danbas

Biełaruski Čyrvony Kryž niadaŭna trapiŭ u skandał paśla taho, jak jaho hienieralny sakratar Dźmitryj Šaŭcoŭ zaśviaciŭsia na Danbasie z Z-simvolikaj i paćvierdziŭ, što jany dapamahajuć vyvozić dziaciej z akupavanych terytoryj Ukrainy. Mižnarodny ofis Čyrvonaha Kryža adreahavaŭ na situacyju.

Dźmitryj Šaŭcoŭ z Z-simvolikaj na levaj ruce trapiŭ u kadr niekalki dzion tamu. Skrynšot videa Sputnik.by

Mižnarodnaja fiederacyja tavarystvaŭ Čyrvonaha Kryža i Čyrvonaha Paŭmiesiaca (IFRC) piša, što daviedałasia sa ŚMI pra vizit hienieralnaha sakratara Biełaruskaha Čyrvonaha Kryža ŭ Łuhansk i Danieck.

«Nam nie paviedamili pra hety vizit, i my nie ŭdzielničali ni ŭ jakich mierapryjemstvach, uklučajučy vyvaz dziaciej.

IFRC nadzvyčaj surjozna stavicca da dziejańniaŭ luboha z našych nacyjanalnych tavarystvaŭ Čyrvonaha Kryža abo Čyrvonaha Paŭmiesiaca, jakija supiarečać našaj humanitarnaj misii, asnovatvornym pryncypam i palitycy.

Tamu IFRC pieradała hetuju spravu ŭ Kamitet pa vykanańni patrabavańniaŭ i pasiarednictvie, jaki, pavodle našaj Kanstytucyi, źjaŭlajecca niezaležnym orhanam, jaki rasśleduje i likviduje mierkavanyja parušeńni dobrasumlennaści.

Nadzvyčajnyja abstaviny hetaha vizitu, uklučajučy vykarystańnie simvała, jaki asacyjujecca z adnym z bakoŭ mižnarodnaha ŭzbrojenaha kanfliktu va Ukrainie, zakranajuć asnoŭnyja pryncypy mižnarodnaha ruchu Čyrvonaha Kryža i Čyrvonaha Paŭmiesiaca. Vizit i źviazanyja ź im mierapryjemstvy nie byli ŭzhodnienyja ź inšymi kampanientami ruchu, jak taho patrabujuć našy ŭnutranyja praviły i pradpisańni.

Hetyja dziejańni ryzykujuć padarvać davier da našaj pracy pa padtrymcy supolnaściaŭ, jakija majuć patrebu, kim by jany ni byli i pa jaki b bok frontu jany ni znachodzilisia. Vielmi važna, kab usie kampanienty mižnarodnaha ruchu Čyrvonaha Kryža i Čyrvonaha Paŭmiesiaca zachoŭvali svaju niezaležnaść ad uradaŭ i nośbitaŭ zbroi».

Mižnarodny ofis paviedamlaje, što źviazaŭsia ź biełaruskim Čyrvonym Kryžam, kab vykazać zakłapočanaść i spynić lubuju padobnuju dziejnaść u budučyni.

«Važna adznačyć, što Hienieralny sakratar Biełaruskaha Čyrvonaha Kryža nie vystupaje ad imia IFRC abo jakoha-niebudź inšaha kampanienta ruchu, i jaho zajavy nie adlustroŭvajuć našaha punktu hledžańnia.

Usie siabry Nacyjanalnaha hramadstva IFRC źviazany asnovatvornymi pryncypami ruchu, našymi ŭnutranymi praviłami i palitykaj, uklučajučy palityku IFRC u halinie abarony, hiendara i inkluziŭnaści, u jakoj jany abaviazvajucca zabiaśpiečvać abaronu dziaciej».

Nahadajem, pra sadziejničańnie Biełaruskaha Čyrvonaha Kryža vyvazu dziaciej zajaŭlaŭ sam Šaŭcoŭ na BT, a taksama deputatka Pałaty pradstaŭnikoŭ Ludmiła Makaryna-Kibak.

Čytajcie taksama:

Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža

Uznačalvaŭ vybarčyja kamisii, choča lačyć hiejaŭ, ekśpiert pa ŭsich pytańniach. Chto taki Dźmitryj Šaŭcoŭ, jaki kiruje Biełaruskim Čyrvonym Kryžam

Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie

NAU pieradało ŭ Haahu dokazy vajennych złačynstvaŭ Łukašenki i jahonych prychilnikaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać/
20.07.2023
Kak ja srazu i napisał, imieło miesto očievidnoje narušienije principov mieždunarodnoho dvižienija IFRC.
0
daviedka/adkazać/
20.07.2023
Dmitrij Šievcov včiera na ONT utvierždał o błahie obładanija jadiernym oružijem i nieobchodimosti jeho primieniť.
Dikosť słyšať podobnyje publičnyje prizyvy iz ust hienieralnoho siekrietaria biełorusskoho Krasnoho Kriesta. 
«Vieŝi nado nazyvať svoimi vieŝami», kak izriok včiera Šievcov. https://youtu.be/GQuuZeCE2eY?t=933
0
anatam /adkazać/
20.07.2023
Uvoliť k čiortovoj matieri, a nie vykazyvať ozabočiennosť!!!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031