Znajści
Ałharytmičny łacinski varyjant
20.07.2023 / 09:443RusŁacBieł

«Siadžu pa varjackim prysudzie, i ŭłady heta viedajuć». Anarchist Franckievič čatyry miesiacy znachodzicca ŭ ŠIZA

Palitźniavolenamu anarchistu Alaksandru Franckieviču, asudžanamu pa spravie «Revalucyjnaha dziejańnia» da 16 hadoŭ i 9 miesiacaŭ kałonii va ŭmovach strohaha režymu, čarhovy raz praciahnuli termin u ŠIZA ŭ PK №5 u Ivacevičach. U ŠIZA palitviaźnia ŭtrymlivajuć z 28 sakavika, kudy jaho źmiaścili adrazu paśla «karancinu». Ciapier Alaksandru praciahnuli termin u ŠIZA da 5 žniŭnia. Takim čynam, palitviaźnia bieśpierapynna ŭtrymlivajuć u ŠIZA čaćviorty miesiac, piša «Viasna».

«Siadžu pa varjackim prysudzie, i ŭłady heta viedajuć»

Paśla prysudu Alaksandr raspavioŭ pra hučnuju spravu «Revalucyjnaha dziejańnia», sud, inšych palitźniavolenych i pieraśled navat u źniavoleńni:

«Samaje absurdnaje ŭ našaj spravie — heta kamuflažnyja štany, para čornych ściahoŭ, bałončyki «Šok», bałakłava i rastvor soli jak srodki padrychtoŭki da masavych biesparadkaŭ. Heta lahło ŭ asnovu prysudu i stała padstavaj dla žartaŭ. Voś taki arsienał dla padrychtoŭki da masavych biesparadkaŭ padrychtavaŭ dla nas supracoŭnik HUBAZiK Mikałaj Tałčkoŭ i śledčy Cybulski I.A. Pasiadžeńniaŭ było kala 90. U asnoŭnym my prosta razmaŭlali adzin z adnym, pad vokryki i absiakańnie kanvoju. Uvahu adciahvali tolki dopyty niekatorych śviedak, ale ŭ niejkuju praktyčnuju karyść ad hetaha ja nie vieryŭ, prosta, chutčej, jak sposab adciahnucca ad biessensoŭnaha siadzieńnia ŭ kletcy.

Ciapier staŭleńnie ŭ siłavikoŭ kudy bolš biescyrymonnaje. Jany vidavočna mienš stali pieražyvać pra toje, jakija miedyjnyja nastupstvy mohuć być ad traŭmaŭ, skarhaŭ i inšaha. Asnoŭnaja meta ŭładaŭ ciapier zdušyć bunt luboj canoj, a raniej — chutčej vybić simvaličnaje pakajańnie, bieź jakoha ŭłada b nikudy ŭ Łukašenki nie dziełasia.

Pavodle maich adčuvańniaŭ, ciapier siarod palitviaźniaŭ vielmi šmat ludziej, jakija nie byli hatovyja da takich vyprabavańniaŭ. Značna bolš, čym dziesiać hadoŭ tamu. Heta nakładvaje svoj adbitak. Šmat prykładaŭ tatalnaha zaniapadu duchu, pakajańniaŭ u tym, čaho i blizka nie rabili. Tych, chto viedaŭ, na jakija ryzyki idzie — adnosna niašmat. Pry hetym usie sočać za vajnoj i situacyjaj na froncie i z hetym źviazvajuć niejkija nadziei, asabliva, u kaho vialiki termin.

Ničoha nie pieraškadžaje [supracoŭnikam] dadavać pa hodzie pa artykule 411 KK prosta da kanca maich dzion. U našaj pravavoj situacyi roźnica pamiž 10 i 17 hadami nieistotnaja. A siadžu ja ŭsio roŭna pa varjackim prysudzie, i ŭłady heta taksama viedajuć».

Nahadajem, Alaksandra Franckieviča zatrymali 13 žniŭnia 2020 hoda. Paźniej stała viadoma, što jaho źbivali ŭ KDB, bili elektrašokieram u vobłaść pachviny, pry hetym patrabavali pryznać vinu. U prysutnaści jaho taksama byŭ mocna źbity aktyvist anarchisckaha ruchu Akichira Hajeŭski-Chanada, jakoha zatrymali razam z Franckievičam. Taksama supracoŭniki KDB paźniej prychodzili ŭ kamieru, dzie siadzić Alaksandr, i znoŭ praz pahrozy i zapałochvańni patrabavali padpisać pryznańnie viny, čaho toj nie zrabiŭ. 6 vieraśnia 2022 hoda Alaksandru byŭ vyniesieny prysud: 17 hadoŭ kałonii va ŭmovach strohaha režymu i štraf u pamiery 700 bazavych vieličyniaŭ (22 400 biełaruskich rubloŭ, abo bolš za 8800 dalaraŭ). 28 lutaha ŭ Viarchoŭnym sudzie ŭ zakrytym režymie adbyŭsia razhlad apielacyjnych skarhaŭ. Sudovaja kalehija skaraciła prysud Alaksandru Franckieviču na try miesiacy. 

Viadoma, što ŭ Alaksandra niama adnoj nyrki, tamu takoje praciahłaje ŭtrymańnie ŭ ŠIZA moža drenna adbicca na jaho zdaroŭi.

Padtrymajcie palitviaźnia listami i telehramami: PK № 5, 225293, Ivacevičy, Dziaržynskaha, 1, Alaksandr Uładzimiravič Franckievič

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Maksim Dizajnier/adkazać/
20.07.2023
Kakoj košmar...
2
mikola/adkazać/
20.07.2023
Maksim Dizajnier,// ion prosta idyiot...
1
Bolesłav/adkazać/
20.07.2023
on po chodu v SIZO, a nie v ŠIZO. on by užie koni dvinuł v štrafnom za nieskolko miesiaciev. Avtor staťji nie ponimajet o čiom pišiet.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera