Znajści
Ałharytmičny łacinski varyjant
20.07.2023 / 07:052RusŁacBieł

Łukašenka pazbaviŭ Capkału ordena Pašany

Alaksandr Łukašenka padpisaŭ ukaz ab pazbaŭleńni apazicyjaniera Valeryja Capkały ordena Pašany. Dakumient apublikavany na Nacyjanalnym pravavym internet-partale.

Valeryj Capkała i Alaksandr Łukašenka ŭ Parku vysokich technałohij u kastryčniku 2005 hoda. Capkała ŭznačalvaŭ PVT ad kastryčnika 2005 hoda da sakavika 2017 hoda. Fota: president.gov.by.

«U suviazi z asudžeńniem za ŭčynieńnie ciažkich i asabliva ciažkich naŭmysnych złačynstvaŭ pazbavić Capkału Valeryja Viljamaviča ordena Pašany», — havorycca va ŭkazie.

Valeryj Capkała byŭ pretendentam u prezidenty na vybarach 2020 hoda, ale nie byŭ zarehistravany, niahledziačy na sabranuju nieabchodnuju kolkaść podpisaŭ. U lipieni 2020 hoda razam z žonkaj Vieranikaj i dziećmi pakinuŭ Biełaruś.

U krasaviku Minski abłasny sud zavočna prysudziŭ Capkału da 17 hadoŭ pazbaŭleńnia voli. Jamu inkryminavali atrymańnie chabaru ŭ asabliva bujnym pamiery, złoŭžyvańnie słužbovymi paŭnamoctvami, što paciahnuła pryčynieńnie škody ŭ bujnym pamiery, publičnyja zakliki da zachopu ŭłady, teraktu dy inšych dziejańniaŭ, nakiravanych na pryčynieńnie škody nacyjanalnaj biaśpiecy. Na pačatku maja Kamitet dziaržaŭnaj biaśpieki ŭklučyŭ Capkału ŭ pieralik asob i arhanizacyj, jakija majuć dačynieńnie da terarystyčnaj dziejnaści.

Ordenam Pašany Capkała ŭ liku inšych asob byŭ uznaharodžany ŭ adpaviednaści z ukazam Łukašenki ad 23 červienia 2014 hoda «za šmathadovuju plonnuju pracu, uzornaje vykanańnie słužbovych abaviazkaŭ, dasiahnieńnie vysokich vytvorčych pakazčykaŭ».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
4
Viljamovič - dieržiś!/adkazać/
20.07.2023
Vsie viernut vrahi našieho Ciepkały. I dom, i ordien, i dołžnosť. Valera, objavlaj novyj sbor na eti cieli!
0
daviedka/adkazać/
20.07.2023
Hosudarstviennych nahrad lišajut prihovorom suda, dla čieho nie triebujetsia izdanije śpiecialnoho ukaza Łukašienko. 
No maniakalnaja mstitielnosť etoho čiełovieka zastaviła jeho pojti na takoj šah. Chotia za diesiatiletija nachoždienija u vłasti Łukašienko tysiači jeho činovnikov i siłovikov po prihovoram sudov za sovieršienije tiažkich i osobo tiažkich priestuplenij korrupcionnoj napravlennosti byli lišieny vysokich hosudarstviennych nahrad i voinskich (śpiecialnych) zvanij, kotorymi ich lično nahraždał Łukašienko.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera