Znajści
Ałharytmičny łacinski varyjant
19.07.2023 / 20:0229RusŁacBieł

«Heta adna z samych svabodnych terytoryj i adna z samych spraviadlivych». Śpiavak Siaroha raskazaŭ, čamu viarnuŭsia ŭ Biełaruś

Śpiavak Siarhiej Parchomienka, bolš viadomy pad psieŭdanimam Siaroha, źjaviŭsia na kanale «Biełaruś 1» u prahramie «Sto pytańniaŭ darosłamu». U hetaj pieradačy dzieci i padletki zadajuć darosłamu hieroju roznyja pytańni. Siarod zadadzienych było i pytańnie, čamu jon viarnuŭsia ŭ Biełaruś.

Siarhiej Parchomienka. Skrynšot ź videa

«Mnie jość z čym paraŭnoŭvać, bo ja žyŭ u roznych krainach. Vialikaje bačycca na adlehłaści.

Ja mahu skazać ad siabie, što heta adna z samych svabodnych terytoryj i adna z samych spraviadlivych. I adna z tych terytoryj, dzie ja dakładna baču, što jość šaniec vałodać situacyjaj u budučyni. Heta terytoryja, dzie nie plujuć na mahiły prodkaŭ, nie apahańvajuć pomnikaŭ, nie znosiać miemaryjalnyja doški. Heta značyć, histaryčnaja pamiać tut achoŭvajecca», — skazaŭ śpiavak.

«Ja vam rastłumaču, čamu heta važna, — dadaŭ Siaroha. — Usie svaje viedy čałaviek čerpaje tolki ź minułaha. Voś čamu pa historyi nanosicca ŭdar, historyja padmieńvajecca. A ŭ hetaj krainie, na hetaj terytoryi ja baču, što histaryčnaja pamiać achoŭvajecca. Hetyja ludzi majuć šaniec».

Śpiavak Siaroha staŭ viadomy nie tolki ŭ Biełarusi, ale i na ŭsioj postsavieckaj prastory ŭ pačatku nulavych. Jon vykonvaŭ takija tahačasnyja chity, jak «Čorny bumier», «Kala doma tvajho», «King Ring». U 2010-ja atrymaŭ dazvoł na žycharstva va Ukrainie, dzie doŭha žyŭ i pracavaŭ. Ale paśla pačatku pratestaŭ u Biełarusi staŭ na bok režymu Łukašenki, časta adznačaŭsia prałukašenkaŭskimi vykazvańniami i braŭ udzieł u praŭładnych mierapryjemstvach.

Havoračy pra Biełaruś jak pra miesca, dzie bieražliva staviacca da histaryčnaj pamiaci i achoŭvajuć histaryčnyja pomniki, jakija b jany ni byli, śpiavak vielmi skažaje rečaisnaść. Bo tolki za apošnija hady biełaruskaje hramadstva daviedałasia i pra źniščeńnie cełaha šeraha pachavańniaŭ udzielnikaŭ polskaha vajennaha i paślavajennaha padpolla, i pra znos pomnika Łarysy Hienijuš u Zelvie, i pra zamaloŭvańnie freski «Cud nad Visłaj» u kaściole ŭ Sołach na Smarhonščynie, i pra źniščeńnie na histfaku BDU pano z vyjavaj Kalinoŭskaha, i pra mnohija inšyja bujnyja i drobnyja fakty, kali ŭłady ŭ śfiery achovy histaryčnaj spadčyny pavodziać siabie prosta pa-varvarsku, a ich pamočniki ź liku prarasijskich aktyvistaŭ faktyčna atrymali kart-błanš na źniščeńnie i ckavańnie ŭsiaho, što im nie padabajecca. 

Urešcie, navat pamierły niadaŭna ŭ źniavoleńni mastak Aleś Puškin byŭ asudžany na piać hadoŭ źniavoleńnia ŭ tym liku za toje, što namalavaŭ i vystaviŭ partret paślavajennaha zmahara z savieckaj uładaj Aŭhiena Žychara.

Čytajcie taksama:

Repier Siaroha naviedaŭ Minskaje suvoraŭskaje vučylišča i pachvaliŭ SSSR

Saša i Siaroha: čamu repier Parchomienka fanacieje ad Łukašenki? VIDEA

Repier Siaroha nazvaŭ Stalina «vialikim humanistam»

Repier Siaroha: Łukašenka — zachavalnik bałansu. U Biełarusi — čysta, spakojna, panuje mir, tam šmat ludziej sa ščaślivymi tvarami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
sc...yj bumier/adkazać/
20.07.2023
Mafkees ,tianiet blevanuť na nieho...
0
dočka Maksima Dizajniera/adkazać/
20.07.2023
Śpiavak Siaroha staŭ viadomy nie tolki ŭ Biełarusi, ale i na ŭsioj postsavieckaj prastory ŭ pačatku nulavych. Jon vykonvaŭ takija tahačasnyja chity, jak «Čorny bumier»

jakimi katavali potym palitźniavolenych?

viedajecie što... moža ja plunu 3 razy cieraź levaje plačo i pierachryščusia? ale ŭsio bolš zaŭvažaju, jak šancuje mnie chacia b na momant cišyni...

spytajecie, što?
bo čuła, jak... niezadoŭha da napadu na Ukrainu ŭ Kijevie zabaranili ŭ maršrutkach rasiejski šanson...
u nas, zrazumieła, nichto nie zabaraniaŭ i nie źbirajecca zabaraniać... ale

zaŭvažyła, što rasiejskaj papsy ŭ maršrutkach stała mienš ci
słuchajuć jany jaje ŭžo nie tak hromka
1
pacan z rajena/adkazać/
22.07.2023
małatok!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031