Znajści
Ałharytmičny łacinski varyjant
19.07.2023 / 21:0710RusŁacBieł

Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža 

Pa słovach deputatki Ludmiły Makarynaj-Kibak, da vyvazu ŭkrainskich dziaciej z akupavanych terytoryj datyčnyja nie tolki biełaruskija ŭłady, ale i pradstaŭnictvy mižnarodnych arhanizacyj u Minsku.

Dzieci z Danbasa, jakich pryvoziać u Biełaruś. Skryn siužeta BT

Deputatka Pałaty pradstaŭnikoŭ Ludmiła Makaryna-Kibak kaža, što dziaciej vyvoziać dla azdaraŭleńnia i narmalizacyi ich psichałahičnaha stanu. Potym, nastojvaje jana, ich viartajuć nazad.

«Dzieci da nas pryjazdžajuć u adpaviednaści ź mižnarodnymi patrabavańniami pry sadziejničańni mižnarodnych arhanizacyj i fondaŭ AAN, Čyrvonaha Kryža i JUNIESKA», — davodzić jana ŭ kamientary ANT.

Vierahodna, deputatka mieła na ŭvazie JUNISIEF, a nie JUNIESKA, bo pieršaja arhanizacyja zajmajecca dapamohaj dzieciam, a druhaja — pytańniami navuki i kultury.

U biełaruskim pradstaŭnictvie Čyrvonaha Kryža nie zmahli patłumačyć, ci sapraŭdy jano sadziejničaje vyvazu dziaciej z Ukrainy.

U humanitarnaj arhanizacyi paraili źviarnucca da samoj deputatki pa tłumačeńni.

«Lepiej u jaje zapytać», — skazali ŭ ofisie pradstaŭnictva.

U ofisie JUNISIEF adkazvać na pytańni nakont słoŭ deputatki nie stali.

Biełaruski Čyrvony Kryž užo trapiŭ u skandał paśla taho, jak jaho hienieralny sakratar Dźmitryj Šaŭcoŭ zaśviaciŭsia na Danbasie z Z-simvolikaj, zabaronienaj statusam Čyrvonaha Kryža.

U biełaruskim pradstaŭnictvie kažuć, što «rychtujuć adkaz pa hetaj situacyi» i «ŭsio znachodzicca na kantroli».

Sam Šaŭcoŭ u efiry BT paćviardžaŭ, što arhanizacyja datyčnaja da vyvazu dziaciej.

«Biełaruski Čyrvony Kryž braŭ, biare i budzie brać u hetym aktyŭny ŭdzieł», — zajaŭlaŭ Šaŭcoŭ.

Kiraŭnik MZS Ukrainy Dźmitryj Kuleba zaklikaŭ Mižnarodny kryminalny sud vydać ordar na aryšt Šaŭcova.

Apraŭdvacca za vyvaz ukrainskich dziaciej daviałosia i namieśniku ministra zamiežnych spraŭ Juryju Ambrazieviču ŭ Ńju-Jorku. Hetuju temu jon trojčy abmiarkoŭvaŭ ź mižnarodnymi čynoŭnikami struktur AAN.

Z čyjoj inicyjatyvy adbylisia sustrečy, biełaruskaje MZS nie paviedamlaje.

Niezakonny vyvaz dziaciej z akupavanych rasijskimi vojskami terytoryj Ukrainy zhadvajecca siarod złačynstvaŭ, za jakija deputaty Jeŭraparłamienta zaklikajuć Mižnarodny kryminalny sud u Haazie razhledzieć mahčymaść vydačy ordara na aryšt Łukašenki.

Toje, što Łukašenka asabista zaanhažavany ŭ praces vyvazu ŭkrainskich dziaciej, pryznavaŭ Alaksiej Tałaj, fond jakoha zajmajecca hetaj spravaj.

«Atrymaŭšy zhodu i padtrymku kiraŭnika dziaržavy, my stali prapracoŭvać mahčymaść adpačynku dziaciej Danbasa ŭ Biełarusi», — kazaŭ jon u intervju BiełTA.

Za čas vajny bolš za 2000 ukrainskich dziaciej, u asnoŭnym sirot, byli niezakonna pieraviezienyja z časova akupavanych Rasijaj terytoryj Ukrainy ŭ łahiery na terytoryi Biełarusi.

U hetym pracesie ŭdzielničali biełaruskija i rasijskija praŭładnyja hramadskija arhanizacyi.

Va Ukrainie i na Zachadzie prymusovy vyvaz ukrainskich dziaciej u Rasiju i Biełaruś traktujecca jak vajennaje złačynstva.

Mižnarodny kryminalny sud mienavita za heta vydaŭ ordary na aryšt prezidenta Rasii Uładzimira Pucina i ŭpaŭnavažanaj pa pravach dziciaci pry prezidencie RF Maryi Lvovaj-Białovaj.

«Naša Niva» — bastyjon biełaruščyny

PADTRYMAĆ

Hladzicie taksama:

Łatuška acaniŭ imaviernaść vydačy ordara na aryšt Łukašenki za raźmiaščeńnie vyviezienych z Ukrainy dziaciej

Cichanoŭskaja nazvała mižnarodnyja arhanizacyi impatentnymi

Alaksiej Tałaj naviedaŭ akupavanyja Danieck i Vałnavachu. Pryvioz ściah SSSR

Što ciapier raskazvaje muziejnica z Marjinaj Horki, jakaja prasłaviłasia vykazvańniem, što amierykanskaje vojska — heta «hiej-sałdaty ŭ pampiersach»

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kotya/adkazać/
20.07.2023
daviedka, u žienŝin/dievušiek v rośsii s roždienija niet nikakich prav da i nie tolko u žienŝin. Oni kak śvinomatki dołžny rožať i byť potiechoj u mužčin.
0
daviedka/adkazać/
20.07.2023
Hordyje ukrainskije dievočki dažie pri vychodie iz vahona nie podajut ruku vsiakim starikanam iz fonda Tałaja.
0
Krasnaja zieleń v Siličach/adkazać/
20.07.2023
A kto znajet, čto za dieti v krasno-zielenych kostiumach provodiat vriemia v hornołyžnom cientrie "Siliči"? Po vidu podrostki sriednich-staršich kłassov. Za kakije zasłuhi oni udostojeny naličiju školnoho łahieria v etom miestie?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031