Znajści
Ałharytmičny łacinski varyjant
19.07.2023 / 22:3916RusŁacBieł

U Minsku zatrymany člen chakiejnaj kamandy Łukašenki, ułaśnik «Tapasa» miljanier Pavieł Bieły — krynicy

Jak stała viadoma «Našaj Nivie», zatrymańnie adbyłosia na biahučym tydni i źviazana z pretenzijaj finansavych orhanaŭ. Dakładny kryminalny artykuł pakul nieviadomy. Heta ŭžo nie pieršaje zatrymańnie Biełaha. U 2012-m najlepšaha bambardzira zbornaj «Čornaha šlema» ŭžo zatrymlivaŭ KDB, ale vypuskaŭ pa rasparadžeńni Łukašenki. 

Pavieł Bieły pad numaram 55 źleva ad Łukašenki. Fota BiełTA

Pra zatrymańnie ŭłaśnika firmy «Tapas» «Našaj Nivie» paviedamili niekalki nie źviazanych pamiž saboj krynic. 

My pakul nie viedajem dakładnaha sensu abvinavačańniaŭ. U ahulnych rysach śćviardžajecca, što Bieły nibyta nie pahadziŭsia z pamieram vystaŭlenaha adnoj ź jahonych kampanij padatkovaha štrafu i admoviŭsia płacić dziaržavie naličanaje. Heta i stała padstavaj dla zatrymańnia. 

«Moža być, upiorsia, moža być, sapraŭdy niama hrošaj, bo časy ciapier inšyja», — kamientuje historyju adzin z pradstaŭnikoŭ minskaj biznes-supolnaści. 

Mierkavana, Pavieł Bieły znachodzicca ŭ SIZA KDB. 

Pavieł Bieły — chakieist kamandy Alaksandra Łukašenki, jakuju jašče nazyvajuć zbornaj «Čornaha šlema». U niejki čas najlepšy bambardzir i najlepšy halavy asistent Łukašenki. Doŭhi čas jon byŭ u favory.

Pa kapryzie Alaksandra Łukašenki, jakomu padabajecca hulać u chakiej, jon nabliziŭ da siabie i azałaciŭ šmatlikich chakieistaŭ ad Michaiła Zacharava da Dźmitryja Baskava i Paŭła Biełaha.

Pieršapačatkova Bieły byŭ hancom ad asobnych biznesmienaŭ da Alaksandra Łukašenki. Karystajučysia blizkaściu da cieła, jon atrymlivaŭ dla inšych premijalnyja ŭčastki ziamli pad zabudovy za dolu ŭ kampanijach, jakija realizoŭvali prajekt. U vyniku ź ciaham času kampanija partnioraŭ — «Tapas» — stała całkam jahonaj. 

Ciapier Bieły — adzin z asnoŭnych zabudoŭščykaŭ Minska. Jamu naležyć šmat nieruchomaj majomaści ŭ roznych rajonach stalicy, pieravažna ŭ centry i vakoł Drazdoŭ, dzie mieścicca adna z rezidencyj Alaksandra Łukašenki i katedžavyja kvartały vyšejšaha čynavienstva. 

U pryvatnaści, u jahonym restaranie «Lebiadziny», pabudavanym na bierazie vadaschovišča, rehularna adbyvajucca mierapryjemstvy dla łukašenkaŭskaj elity, u tym liku z udziełam samoha Łukašenki

«Tapas» Paŭła Biełaha budavaŭ kvartał «Alimpik park» u Drazdach, kvatery ŭ jakim pa źnižanych cenach kuplali pradstaŭniki najvyšejšaj łukašenkaŭskaj namienkłatury. 

Čytajcie taksama: Natalla Ejsmant kupiła apartamienty ŭ «Alimpik Parku» za $167 tysiač

Baćka Biełaha — Alaksandr Bieły (Levienštejn) — u 2000-yja byŭ kiraŭnikom minskaha chakiejnaha «Dynama». 

U 2012-m Paŭła Biełaha ŭžo aryštoŭvaŭ KDB z abvinavačańniem u kradziažy i vyvadzie šaści miljonaŭ dalaraŭ za miažu. 

Pavodle raspaŭsiudžanych u biznes-kołach čutak, Bieły pasiadzieŭ vielmi mała, tamu što na tradycyjnaj štotydniovaj treniroŭcy chakiejnaj kamandy Łukašenki toj ździviŭsia adsutnaści Biełaha i spytaŭ: «A dzie ž Paša?» Paśla hetaha Biełaha nibyta pryvieźli na treniroŭku prosta ź SIZA KDB, i bolš jon tudy nie viarnuŭsia.

Ciapier za ŭpłyvy na Łukašenku zmahajucca roznyja chakieisty.

Samy papularny ź ich — Dźmitryj Baskaŭ. Praz traplańnie ŭ niałasku da Baskava ad «dvara» byŭ raniej adsunuty inšy chakieist Michaił Zacharaŭ. Šmathadovy kiraŭnik Pryjorbanka Siarhiej Kaściučenka, jaki byŭ za kratami, taksama ŭ niałascy ŭ Baskava. 

Čytajcie taksama: 

Kiraŭnik DAI kupiŭ taŭnchaus u «Lebiadzinym» za $290 tysiač. Inšy pakupnik addaŭ za takoje žyllo $450 tysiač

Jak vyhladaje zakryty katedžny pasiołak za Nacyjanalnaj biblijatekaj, u jakim žyvuć Vasil Žarko i Pavieł Bieły FOTY

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Žieleznyj Drovosiek /adkazać/
20.07.2023
Kachiej pa-kałchoznamu
1
../adkazać/
20.07.2023
Mafkees ,nahulałsia kabančik...
6
Anžielika /adkazać/
20.07.2023
Čarkaškvarka, jeśli vam vsie ravno, začiem vy eto čitajetie..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera