Zaŭtra pa vulicach Minska projdzie pracesija Božaha Cieła
U niadzielu, 11 červienia, nastupnuju paśla ŭračystaści Najśviaciejšaha Cieła i Kryvi Chrysta, jakaja sioleta adznačałasia 8 červienia, pa vulicach Minska projdzie tradycyjnaja Jeŭcharystyčnaja pracesija, paviedamlaje Catholic.by.
Minułahodniaja pracesija Božaha Cieła ŭ Minsku
Pracesiju ŭznačalić mitrapalit Minska-Mahiloŭski arcybiskup Juzaf Stanieŭski razam z hienieralnymi vikaryjami archidyjacezii biskupami Juryjem Kasabuckim i Alaksandram Jašeŭskim. U pracesii taksama voźmie ŭdzieł apostalski nuncyj u Biełarusi arcybiskup Ante Jozič.
Šeście z Najśviaciejšym Sakramantam pa vulicach biełaruskaj stalicy adbudziecca paśla śviatoj imšy na ćvintary pry kaściole Najśviaciejšaj Trojcy (Śviatoha Rocha) na Załatoj Horcy (pr-t Niezaležnaści, 44 A), jakaja raspačniecca a 9-j hadzinie.
Adtul pracesija projdzie da płoščy Pieramohi, dalej — na Kastryčnickuju płošču i zavieršycca la minskaha kafiedralnaha kaścioła Najśviaciejšaha Imia Najśviaciejšaj Panny Maryi (pł. Svabody, 9).
Pa rasparadžeńni arcybiskupa Stanieŭskaha ŭ hety dzień z 9:00 da 13:00 inšaj śviatoj imšy ŭ kaściołach Minska nie budzie.
Čytajcie taksama:
U Polščy ŭpieršyniu pryznačyli dušpastyra dla biełaruskaj katalickaj supolnaści
U Minsku mohuć začynić jašče adzin kaścioł?
U Mahilovie padčas nabaženstva hraŭ na arhanie sam miascovy biskup VIDEA
