Znajści
Ałharytmičny łacinski varyjant
10.06.2023 / 19:5850RusŁacBieł

«Anšłaha na kancercie da Dnia Rasii nie było. Padtrymka Rasii biełarusami nijakaja» — Mirsalimava

Adna ź viadomych prarasijskich aktyvistak i prapahandystak «ruskaha śvietu» ŭ Biełarusi Elvira Mirsalimava čakała ad učarašniaha mierapryjemstva ŭ Minsku, pryśviečanaha śviatkavańniu Dnia Rasii, kudy bolšaha, čym akazałasia ŭ realnaści. I svajo rasčaravańnie tym, što ŭbačyła, nie ŭtrymałasia i vyliła ŭ sacsietki.

Kancert da Dnia Rasii ŭ Minsku. Skrynšot videa

«Tak, skažam ščyra, anšłaha na ŭčarašnim kancercie, pryśviečanym Dniu Rasii ŭ Minsku, nie było», — pryznaje Mirsalimava ŭ svaim telehram-kanale.

I robić zusim śmiełuju jak dla idejnaha «ruskamirca» vysnovu:

«Uličvajučy, što bolš za pałovu z hetych ludziej pryjechała centralizavana (pa žadańni) ź inšych haradoŭ, možna śmieła kanstatavać, što, na žal, padtrymka Rasii biełaruskimi hramadzianami — nijakaja. Za rasijskija ściažki nie bjuć u biełaruskaj stalicy — užo dobra, dy i toje — achoŭnaja zona. A što tam śpieje za joj i ŭ hałovach maładych biełarusaŭ — Boh viedaje. Što zaŭhodna, ale dakładna nie luboŭ da Rasii».

«Sistemnyja nacyjanalisty» robiać svaju spravu. Nie śpiašajučysia, sistematyčna, pad maskaj «braterskanarodnaha siabroŭstva» pastupova adryvajuć na mientalnym uzroŭni biełaruskich hramadzian ad Rasii. A kab hetyja pracesy mocna nie kidalisia ŭ vočy, nam z tryumfam buduć paviedamlać pra čarhovuju stopiaccot padpisanuju intehracyjnuju kartu…» — padsumoŭvaje prarasijskaja aktyvistka. 

Apošniaje vykazvańnie varta razhladać u kantekście ŭnutranych supiarečnaściaŭ u łahiery łukašystaŭ, dzie jość jak adkrytyja nienaviśniki absalutna lubych prajaŭ biełaruskaści nakštałt Volhi Bondaravaj, Śviatłany Žyhimont ci toj ža Mirsalimavaj, tak i dziejačy nakštałt Ihara Marzaluka, Marata Markava ci Ilji Biehuna, jakija, poŭnaściu padtrymlivajučy Łukašenku i jahony režym i źviazaŭšy ź im usiu svaju budučyniu, usio ž nie chočuć całkam niščyć nacyjanalnyja admietnaści nakštałt biełaruskaj movy i kultury, imknučysia, chutčej, pastavić ich sabie na słužbu. Mienavita ich i maje Mirsalimava na ŭvazie pad «sistemnymi nacyjanalistami», ź jakimi jana viadzie zmahańnie.

U toj ža čas pryznańnie z boku pałymianaj adeptki «ruskamirstva», što ŭ nadzvyčaj rusifikavanaj u moŭnym płanie i surova «začyščanaj» trochhadovymi niaspynnymi represijami Biełarusi jana nie adčuvaje masavaj padtrymki svaich idej, nie moža nie ciešyć.

Čytajcie taksama:

Vystup «Lube» na Dni Rasii ŭ centry Minska supravadžaŭsia kadrami rasijskaj ahresii suprać Ukrainy

 Chto takija vambaty? Jak łukašystaŭ padzialiła na dva łahiery adno pytańnie

«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu

«Nastolki zabranzavieŭ». Bondarava napisała ŭ prakuraturu na Marzaluka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
123/adkazać/
12.06.2023
Otstańtie užie ot Biełarusov! Vy vsiemu miru nadojeli.
0
Praviła 3%ŭ/adkazać/
12.06.2023
Na takija zbory uvohule nie pavinny prychodzić ludzi, na aŭtobusach ža źvieźli z rehijonaŭ pad pahrozaj zvalnieńnia, jak na "iabacinhi" 
1
Valadzimir/adkazać/
13.06.2023
123, u rasiejska-zachodnim kanflikcie na terytoryi Ukrainy na baku Rasiei - bolš čym pałova śvietu. Što da "otstańtie užie ot biełarusov"... hy-hy  - Rasieja zrabiła z reštkaŭ litvinaŭ "biełorussov" nie dla taho, kab ad ich "otstať", a dla taho, kab kančatkova ich z saboj, Vielikoj Ruśju, "vossojediniť".
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera