Raźmiaščeńnie jadziernaj zbroi ŭ Biełarusi pačniecca paśla 7-8 lipienia — Pucin
Alaksandr Łukašenka i Uładzimir Pucin pačali sustreču ŭ Sočy. Fatahrafii publikuje «Puł pieršaha».
Alaksandr Łukašenka i Uładzimir Pucin. 8 červienia 2023 hoda. Fota Gavriil Grigorov Sputnik Kremlin Pool Photo via AP
Pucin u ciomnym kaściumie, Łukašenka ŭ biełaj kašuli z karotkim rukavom.
«U niefarmalnaj abstanoŭcy prezidenty Biełarusi i Rasii siońnia havorać ab važnym», — padkreślena ŭ paviedamleńni pres-słužby Łukašenki.
Jak zajaviŭ siońnia Pucin, raźmiaščeńnie rasijskaj jadziernaj zbroi ŭ Biełarusi pačniecca adrazu ž paśla zaviaršeńnia 7-8 lipienia padrychtoŭki zbudavańniaŭ dla jaje.
Łukašenka ž 25 maja kazaŭ: «Nam treba było padrychtavać miescy zachoŭvańnia i inšaje. My ŭsio heta zrabili, tamu pačałosia pieramiaščeńnie jadziernaj zbroi i bojeprypasaŭ».
«Samaje hałoŭnaje, my viedajem, što rabić i ŭ jakim kirunku ruchacca», — zajaviŭ siońnia Alaksandr Łukašenka.
«I atrymlivajecca. Dziakuj bohu, atrymlivajecca», — adkazaŭ Pucin.
«My dumali, budzie horš. Ale pakul troški lepš, čym my dumali. I dziakuj bohu. I tak pacichu my adbudujem našy adnosiny. Ja ŭžo publična skazaŭ na schodzie ŭ nas sakrataroŭ Rad biaśpieki: my z Rasijaj pradumajem płan dziejańniaŭ u hetaj situacyi. Spadziavacca na toje, što sankcyi admieniać, na jašče niešta, nam pra heta navat kazać nie treba. Nam treba aryjentavacca na svaje siły i na siabie».
kstati... očki vot tak vot - eto... stilno
kak mienia razdražajut eti očki-kokošnik na baškie