U prezidenty Finlandyi idzie ministr, jaki pryjazdžaŭ u Minsk i krytykavaŭ Łukašenku
Ministr zamiežnych spraŭ Pieka Chaavista (partyja «Zialonyja») zajaviŭ u čaćvier ab vyłučeńni svajoj kandydatury na ŭdzieł u prezidenckich vybarach u 2024 hodzie.
Pieka Chaavista. Fota: Olivier Matthys / AP
Chaavista zajaviŭ na pres-kanfierencyi, što pahadziŭsia na prapanovu vybarčaha abjadnańnia vyłučyć svaju kandydaturu na ŭdzieł u prezidenckich vybarach u 2024 hodzie. Jon bałatujecca ŭ jakaści kandydata ad abjadnańnia vybarščykaŭ, a nie «zialonych», piša Yle.
Dla farmiravańnia vybarčaha abjadnańnia jamu treba zaručycca padtrymkaj prynamsi 20 000 vybarščykaŭ.
Pieršy tur prezidenckich vybaraŭ projdzie 28 studzienia 2024 hoda.
Pieka Chaavista vyrvaŭsia ŭ lidary siarod patencyjnych kandydataŭ na pasadu prezidenta ŭ studzieńskim apytańni Yle.
Jon zajmaje pasadu ministra zamiežnych spraŭ ź leta 2019 hoda.
65-hadovy Chaavista vyłučaŭ svaju kandydaturu na prezidenckich vybarach u 2012 (u pieršym tury nabraŭ 18,8 pracenta hałasoŭ, u druhim — 34,6) i ŭ 2018 hodzie (mieŭ tady 12,4 pracenta).
Tady dvojčy pieramoh Saŭli Nijniste.
U listapadzie 2019 hoda Chaavista pryjazdžaŭ razam ź ministram zamiežnych spraŭ Šviecyi An Linde ŭ Minsk. Pa viartańni ŭ Chielsinki jon raskrytykavaŭ biełaruskija ŭłady za toje, što jany nie puścili apazicyju ŭ parłamient.
«Vy tak dumajecie. A voś jany (kiraŭniki MZS Šviecyi i Finlandyi. — «NN») pačali kazać: «Čamu niama prazachodnich apazicyjanieraŭ? U minułym było try čałavieki, a ŭ hetym — nivodnaha». Nie ŭva mnie pryčyna. Kali ludzi nie padtrymlivajuć, što ja mahu zrabić? — kazaŭ potym Łukašenka. — Ja kažu: vy im nie davajcie hrošaj. Jany dajuć hrošy, tyja kuplajuć aŭtamabili, budujuć asabniaki. Hrošy niemałyja iduć. My ich usie bačym. Toje, čaho nie bačym my, nam rasijanie padkažuć, adkul jany iduć. Zvyčajna praź Litvu, Polšču. Amierykancy, niemcy finansujuć. Dobra jany žyvuć. Našto im hetaja ŭłada, bol hałavy?»
Sustrelisia tady Chaavista i Linde z pradstaŭnikami hramadzianskaj supolnaści.
Fota: fejsbuk Alesia Bialackaha
Čytajcie taksama:
