Znajści
Ałharytmičny łacinski varyjant
08.06.2023 / 21:393RusŁacBieł

Kultavy chit hurta Queen «Bahiemskaja rapsodyja» pieršapačatkova nazyvaŭsia inakš. Pra heta śviedčać čarnaviki Fredzi Merkjury

Raskazvajem, jakaja zadumka była ŭ samym pačatku.

Kultavy brytanski muzykalny hurt Queen. Fota: Wikimedia Commons

Kultavy chit «Bahiemskaja rapsodyja» ad viadomaha brytanskaha rok-hurta Queen moh nazyvacca zusim inakš. U samych rańnich čarnavikach, vystaŭlenych na aŭkcyjon Sotheby's, pieśnia maje pieršapačatkovuju, pierakreślenuju nazvu. 

Pra heta paviedamiła vydańnie The New York Times.

«Vyjaviłasia, što na čarnavikach lidara hurta Fredzi Merkjury ŭ pieršym słovie nazvy pieśni było napisana słova Mongolian, jakoje zatym było pierakreślenaje i zamienienaje na Bohemian. Takim čynam pieršapačatkovaja nazva chita była «Manholskaja rapsodyja». Dahetul nieviadoma, čamu muzyki nie pakinuli jakraz pieršuju nazvu pieśni», — napisała The New York Times.

Aproč nazvy, taksama isnavaŭ i pieršapačatkovy varyjant tekstu adnaho z kupletaŭ «Bahiemskaj rapsodyi». U viadomym usim aryhinale jon vyhladaje tak:

  • «Mama, just killed a man. Put a gun against his head, pulled my trigger, now he's dead» (Mama, ja tolki što zabiŭ čałavieka, prystaviŭ pistalet da jaho hałavy, nacisnuŭ kurok, ciapier jon miortvy).

A čarnavy varyjant byŭ taki:

  • «Mama, there's a war began. I've got to leave tonight, I've got to stand and fight» (Mama, pačałasia vajna. Mnie treba źjechać siońnia nočču, ja pavinien stajać i zmahacca).

Pry hetym šerah bijohrafaŭ paviedamili, što jany ŭvohule nie viedali pra papiaredniuju nazvu i čarnavyja kuplety znakamitaha chita. Hitaryst Queen Brajan Mej i barabanščyk Rodžer Tejłar admovilisia kamientavać znachodku.

Sam aŭkcyjon Sotheby's pačniecca 6 vieraśnia — praź dzień paśla dnia naradžeńnia Fredzi Merkjury. Na Sotheby's vystaviać bolš za 1500 rečaŭ lehiendarnaha artysta. Hetym zajmajecca Mery Ościn, hramadzianskaja žonka śpievaka, jakoj jon zaviaščaŭ usiu svaju spadčynu. Siarod rečaŭ, jakija pradaduć na aŭkcyjonie, jość taksama rukapisy chitoŭ We Are The Champions i Killer Queen, a taksama firmovaja karona artysta.

Paviedamlajecca, što za čarnaviki We Are The Champions i Killer Queen arhanizatary raźličvajuć atrymać ad 250 da 385 tysiač dalaraŭ. A asobny čarnavik «Bahiemskaj rapsodyi» moža taksama syści z małatka za niekalki socień tysiač dalaraŭ. Častku vyručki ad prodažu pieradaduć u fond Mercury Phoenix Trust i fond Ełtana Džona pa baraćbie sa ŚNIDam.

Nahadajem, što zusim niadaŭna vyśvietliłasia, što ŭvieś muzyčny katałoh Queen razam z pravami na karystańnie moža być pradadzieny za ašałamlalnuju sumu.

Čytajcie taksama:

Biełaruski hurt, jaki bližej za ŭsich byŭ da «Hremi»

Hurt Queen pradstaviŭ nieviadomuju raniej pieśniu, vykananuju Fredzi Mierkjury

Tancavalnaja lichamanka, tyktok-trendy i vajna — TOP-10 muzyčnych albomaŭ hoda pa viersii «Našaj Nivy»

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Valenty/adkazać/
09.06.2023
Nie Bahiemskaja, a Bahiemnaja.
1
Kazik/adkazać/
09.06.2023
Biazhłuzdaść tekstu prymušaje zadumacca, ci nie niejronkami była hetaja rapsodyja napisana
0
Bahiemny raps/adkazać/
09.06.2023
Pieršapačatkovaja nazva: "Zdravstvuj, čužaja miłaja"
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera