Znajści
Ałharytmičny łacinski varyjant
07.06.2023 / 16:563RusŁacBieł

Palinu Šarendu-Panasiuk, jakaja admoviłasia ad biełaruskaha hramadzianstva, adpravili ŭ Navinki

Pra heta paviedamiŭ muž palitźniavolenaj. Pavodle jaho infarmacyi, etap moža praciahvacca dva tydni.

Palina Šarenda-Panasiuk i Andrej Šarenda

Aktyvistku «Jeŭrapiejskaj Biełarusi», palitźniavolenuju Palinu Šarendu-Panasiuk skiravali z kałonii ŭ Respublikanski centr psichičnaha zdaroŭja ŭ Navinkach dla praviadzieńnia psichijatryčnaj ekśpiertyzy. Heta adbyłosia nieŭzabavie paśla taho, jak aktyvistka napisała zajavu ab admovie ad biełaruskaha hramadzianstva. Pra situacyju z Palinaj paviedamiŭ jaje muž Andrej Šarenda, jaki ciapier znachodzicca ŭ Vilni, piša «Radyjo Svaboda».

«Etap z Rečycy na Miensk u Navinki moža zaniać dva tydni. Dakładna viadoma, što pierad etapam kala dvuch tydniaŭ Palina była ŭ sančastcy kałonii, chiba jaje pryvodzili ŭ stan dla etapu. A etapavali z kałonii tolki niekalki dzion tamu. Pakul bolš źviestak pra žonku nie maju. Vidać, budzie prachodzić u Navinkach ekśpiertyzu», — paviedamiŭ muž palitźniavolenaj Andrej.

Pavodle Andreja Šarendy, vychad z hramadzianstva byŭ pratestam suprać pastajannaha cisku, jaki žančyna spaznała ŭ źniavoleńni.

«Heta jaje pratest suprać katavańniaŭ. Jana admaŭlajecca ad biełaruskaha pašparta sa stalinskim hierbam na vokładcy i bolš nie choča mieć ničoha ahulnaha z režymam, jaki sfarmiravaŭsia ŭ Biełarusi. Režymam, jaki źniščaje niezaležnaść Biełarusi, jaki ŭdzielničaje ŭ vajnie. Režymam, jaki zabivaje jaje i inšych palitviaźniaŭ u turmach», — skazaŭ Andrej Šarenda.

U červieni 2021 hoda Palinu Šarendu-Panasiuk (jaje zatrymali 3 studzienia 2021 hoda) asudzili na 2 hady źniavoleńnia za hvałt u dačynieńni da milicyjantaŭ i za abrazu Łukašenki.

Z taho času da hetaha terminu sud dadaŭ aktyvistcy jašče dva hady za «Złosnaje niepadparadkavańnie administracyi papraŭčaj ustanovy» (411-y artykuł KK). Žančynu trymali spačatku ŭ Homielskaj žanočaj kałonii, raźličanaj na tak zvanych «pieršachodaŭ», a potym pieraviali ŭ kałoniju ŭ pasiołku Zarečča Rečyckaha rajona, kudy źmiaščajuć tych, chto asudžany pa druhim razie i bolš. Pavodle źviestak, jakija atrymaŭ Andrej Šarenda ź Biełarusi, u abiedźviuch kałonijach jahonuju žonku bolšaść času trymali to ŭ štrafnym izalatary, to ŭ pamiaškańni kamiernaha typu.

«Palinu marudna, ale metanakiravana zabivajuć. Arhanizm Paliny nastolki źniasileny, što joj užo ciažka chadzić. Ad adsutnaści soniečnaha śviatła zrok u Paliny mocna sapsavaŭsia», — piša muž aktyvistki ŭ zvarocie da mižnarodnych humanitarnych i pravaabarončych arhanizacyj.

Andrej zaklikaŭ pravaabaroncaŭ śvietu «sačyć za losam jahonaj žonki i zrabić usio mahčymaje dla vyzvaleńnia jaje i ŭsich palitźniavolenych».

Čytajcie taksama:

Palina Šarenda-Panasiuk admaŭlajecca ad biełaruskaha hramadzianstva na znak pratestu suprać katavańniaŭ

Ci moža palitviazień admovicca ad biełaruskaha hramadzianstva? Što naohuł daje takaja admova?

Palinu Šarenda-Panasiuk praciahvajuć utrymlivać u karcary. Za hod jana praviała tam 200 sutak

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Vysockij/adkazać/
07.06.2023
Vsie čiestnyje, poriadočnyje, pravdivyje, umnyje ludi v stranach, hdie u vłasti złobnaja biezhramotnaja chunta, ili ałkoholiki, ili psichi. Ničieho novoho.
8
Pravaabaroncy heta treciaja naha/adkazać/
07.06.2023
Cikavakali tak zvanyja pravaaroncy damahlisia jakoha nieudź vyzvaleńnia? Heta lavackija fondy pa raśpile hrošaŭ dla saŭka
0
*/adkazać/
07.06.2023
Karnaja psichijatryja zusim nie novy srodak tatalitarnaha hvałtam. Heta była "zakanadaŭčaja" norma ŭ tatalitarnaj saŭdepii poststalinskaha pieryjadu
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera