Ministr abarony Rasii Siarhiej Šajhu ŭpieršyniu ź vieraśnia 2022 hoda raskazaŭ pra rasijskija straty
Pavodle ministra abarony Rasii Siarhieja Šajhu, za troje sutak padčas adbićcia nastupleńnia USU (jon zajaviŭ ab pačatku nastupalnych dziejańniaŭ USU, jakija rasijskaja armija paśpiachova nibyta adbivaje) zahinuŭ 71 rasijski vajskoviec, 210 atrymali ranieńni. U toj ža čas, pa słovach Šajhu, Ukraina straciła kala 4 tysiač čałaviek.
Siarhiej Šajhu. Fota: kremlin.ru
U apošni raz Šajhu paviedamlaŭ pra straty Rasii 21 vieraśnia 2022 hoda. Na toj momant, pa viersii Minabarony RF, padčas uvarvańnia va Ukrainu zahinuli 5937 rasijskich vajskoŭcaŭ.
Pavodle jaho, byli padbityja 15 rasijskich tankaŭ, 9 broniemašyn, 2 aŭtamabili i 9 harmat.
Dalej rasijski ministr skancentravaŭsia na ahučvańni strat Ukrainy.
Straty USU za try dni nastupu ministr abarony RF acaniŭ u 3715 vajskoŭcaŭ, 52 tanki, 207 braniravanych mašyn, 134 aŭtamabili, 5 samalotaŭ, 2 viertaloty.
«Na praciahu troch sutak ukrainski režym raspačaŭ daŭno abiacany nastup na roznych učastkach frontu, vykarystaŭšy dla hetych metaŭ vialikuju kolkaść techniki i žyvoj siły. Ni na adnym z učastkaŭ praciŭnik pośpiechu nie damohsia, panios značnyja straty», — skazaŭ Siarhiej Šajhu.
Pavodle jaho słoŭ, ukrainskija vojski pačali budavać na pravym bierazie Dniapra abarončyja pazicyi, što, pavodle Šajhu, havoryć ab namierach pierajści da abarony.
Čytajcie taksama:
Padalak zajaviŭ, što Maskva «adbivaje hłabalny nastup, jakoha jašče niama»
Minabarony Ukrainy nazvała epicentram bajoŭ nie toj kirunak, pra jaki pišuć rasijanie
