Žonka i syn paŭnočnakarejskaha dypłamata źnikli ŭ Rasii. Imavierna, jany źbiehli
Pradstaŭnik hienieralnaha konsulstva KNDR Coj Jen Nam va Uładzivastoku sam napisaŭ zajavu pra źniknieńnie svaich rodnych, jak pišuć rasijskija telehram-kanały.
Źnikłyja žonka i syn paŭnočnakarejskaha dypłamata. Fota: ru2ch / Tielegram
Pavodle jaho, 4 červienia jaho 43-hadovaja žonka Kim Kum Sun i 15-hadovy syn Pak Kvon Čžu sieli ŭ taksi na terytoryi hienkonsulstva, i z tych časoŭ ich nie bačyli. Mabilnyja telefony niedastupnyja.
Taksista, jaki padvoziŭ žančynu z synam, vysadziŭ ich la budynka na vulicy Ruskaj. Ciapier źnikłych šukajuć.
Budynak hienkonsulstva maci i syn pakinuli z tryma skrynkami — vierahodna, tudy jany skłali asabistyja rečy.
Palicyja miarkuje, što jany źbirajucca źjechać u Kitaj ci Paŭdniovuju Kareju.
Čytajcie taksama:
Maskva prapanuje Pchieńjanu ježu ŭ abmien na zbroju — ZŠA
