U Niamieččynie ŭ budynku dla ŭkrainskich uciekačoŭ zdaryŭsia pažar — zahinuła dzicia
Pažar uspychnuŭ ranicaj 4 červienia ŭ horadzie Apolda va ŭschodniaj ziamli Ciurynhija. Vidavočcy raspaviali, što połymia dasiahała niekalkich mietraŭ.
U Niamieččynie 4 červienia adbyŭsia pažar u domie, dzie žyli ŭkraincy, jakija byli vymušanyja ratavacca ad vajny. U vyniku zahinuła adno dzicia, paviedamlaje «Hromadśkie».
Paśla pažaru bieź viestak źnik 9-hadovy chłopčyk z Ukrainy, a ŭ budynku znajšli nieidentyfikavanaje cieła dziciaci. Adnak ułady ŭsio ž śćviardžajuć, što spatrebicca sudova-miedycynskaja ekśpiertyza, kab vyznačyć, ci znojdzienaje cieła naležyć źnikłamu chłopčyku.
Jašče 10 čałaviek atrymali ranieńni. Ich špitalizavali. Niekatoryja ź ich paciarpieli ad atručvańnia dymam, a ŭ adnaho čałavieka złamanaja naha.
Pažar uspychnuŭ ranicaj u horadzie Apolda va ŭschodniaj ziamli Ciurynhija. Vidavočcy raspaviali, što połymia dasiahała niekalkich mietraŭ.
U palicyi pakul nie viedajuć pryčyny pažaru, ale śćviardžajuć, što kryminalnaje rasśledavańnie idzie poŭnym chodam.
U prytułku dla ŭciekačoŭ, jaki ŭ vyniku pažaru staŭ nieprydatnym dla pražyvańnia, było zarehistravana 245 čałaviek. Ich pieraviali ŭ inšy centr pryjomu biežancaŭ u susiednim Chiermsdorfie.
Ambasadar Ukrainy Alaksiej Makiejeŭ napisaŭ, što konsuły ŭ kantakcie z hramadzianami Ukrainy, jakija žyvuć u tym rehijonie, a taksama ź niamieckimi pravaachoŭnymi orhanami.
Čytajcie taksama:
U Krasnadarskim krai paśla ataki bieśpiłotnikaŭ hareŭ NPZ
Pad Viciebskam paŭdnia šuhaŭ vialiki pažar na haradskim śmietniku
