Suła, Dudutki, Dukora — kolki kaštuje adpačynak u biełaruskich parkach kultury i historyi
Dla adpačynku letam u Biełarusi možna źjeździć u muziei historyi i kultury pad adkrytym niebam. Samyja papularnyja ź ich — «Vialikaje kniastva Suła», «Dudutki», «Dukorski majontak». Akramia zvykłych mahčymaściaŭ zaharadnaha adpačynku tam možna paznać šmat novaha, naviedać ekskursii. Myfin.by pahladzieŭ, kolki kaštuje taki adpačynak.
Muziej u vioscy Suła
Usiaho 49 kiłamietraŭ ad Minska — i vy ŭ muziei interaktyŭnaj historyi «Vialikaje kniastva Suła». Muziej znachodzicca na bierazie pryhožaha voziera z adnajmiennaj nazvaj.
Za 25 rubloŭ dla darosłych i 15 rubloŭ dla dziaciej u Sule možna nabyć ekskursiju i palubavacca adkrytymi histaryčnymi abjektami: stajankaj staražytnaha čałavieka, vioskaj vikinhaŭ, placoŭkaj dachryścijanskich vieravańniaŭ i inšymi zajmalnymi miescami. U canu ekskursii taksama ŭvachodzić katańnie na bryčcy i dakary, naviedvańnie muzieja batlejki z karotkim humarystyčnym śpiektaklem, ihry na šmatfunkcyjanalnaj dziciačaj placoŭcy.
Fota: parksula.by
Na terytoryi muzieja možna arandavać altanku z manhałam. Cana — 40 rubloŭ za hadzinu. Jość mahčymaść prakacicca na kani. Adno koła takoj jazdy ź indyvidualnym instruktaram abydziecca ŭ 15 rubloŭ.
Dla tych, chto pražyvaje ŭ hatelach Suły, adčynienyja dźviery mini-SPA-kompleksu. Za 150 rubloŭ možna atrymać asałodu ad SPA-pracedur na praciahu dźviuch hadzin.
Prajechacca pa konnaj čyhuncy možna za 8 rubloŭ dla darosłaha i 5 rubloŭ dla dziciaci.
Na terytoryi Suły jość restarany «Pan Starki», «Šynok», «Karaleŭskaja asambleja» i «La bramy». Tut možna pakaštavać biełaruskuju i słavianskuju kuchniu, u tym liku draniki, bliny z mačankaj, poliŭku «Pa-nalibocku» i šmat inšaha.
Muziejny kompleks «Dudutki»
Za 40 kiłamietraŭ ad stalicy ŭ Puchavickim napramku znachodzicca muziejny kompleks «Dudutki». Tut naviedvalnikam demanstrujuć asablivaści staražytnaha pobytu biełarusaŭ, narodnyja promysły i ramiostvy. Haściam prapanujuć ekskursii pa kompleksie, dehustacyju samabytnych straŭ, naviedvańnie zaasada i katańnie na koniach.
Fota: bus.by
Ekskursija pa Dudutkach z naviedvańniem młyna i pačastunkami kaštuje 27 rubloŭ na čałavieka.
Arenda zały ŭmiaščalnaściu da 40 čałaviek abydziecca ŭ 75 rubloŭ na čałavieka, a arenda haściavoha doma — 600 rubloŭ u sutki.
Niedaloka ad muziejnaha kompleksu znachodzicca hatel «Pcič», dzie možna arandavać numar za 80 rubloŭ za sutki. Adznačyć dzień naradžeńnia ci viasielle na pryrodzie ŭ Dudutkach možna ŭ altancy. Arenda altanki da 50 čałaviek kaštuje 15 rubloŭ na čałavieka.
Paparycca ŭ łaźni na terytoryi Dudutak budzie kaštavać 280 rubloŭ za 3-4 hadziny.
Na terytoryi muziejnaha kompleksu znachodziacca syravarnia, kaviarnia «Šynok» i inšyja restarany, majsternia drevaapracoŭki, hančarnaja majsternia, ptušyny dvor, piakarnia, kuźnia i inšyja cikavyja abjekty. Ahledzieć terytoryju Dudutak možna i samastojna (biez ekskursavoda) za 15 rubloŭ na čałavieka. Školnikam samastojny ahlad muziejnaha kompleksu abydziecca ŭ 8 rubloŭ, a ŭvachod dla daškolnikaŭ biaspłatny.
Muziejny kompleks «Dukorski majontak»
Muziejny kompleks «Dukorski majontak» prapanuje haściam ekskursii pa staražytnym kompleksie sa spartyŭnymi, zabaŭlalnymi mierapryjemstvami, prasłuchoŭvańniem staražytnaj žyvoj muzyki, dehustacyjaj nacyjanalnych straŭ.
Košt uvachodnaha kvitka ŭ Dukory — 20 rubloŭ na darosłaha čałavieka, 10 rubloŭ na školnika. Dzieciam da 7 hadoŭ uvachod biaspłatny. U košt ekskursii ŭvachodzić naviedvańnie pieraviernutaha doma, ramiesnych majsterniaŭ, ahlad 400-hadovaha duba i inšych abjektaŭ.
Fota: smart-tour.by
Dukory taksama padychodziać dla aktyŭnaha adpačynku. Za 7 rubloŭ dzieci mohuć pabavić čas u viarovačnym haradku, bilet dla darosłych kaštuje 10 rubloŭ.
Taksama možna pahulać u piejntboł i miniholf, pakatacca na łodkach i katamaranach. Arenda łodki abydziecca ŭ 5 rubloŭ, a katamarana — u 7 rubloŭ.
Paabiedać ci paviačerać u muziejnym kompleksie Dukory možna ŭ kafe «Straŭnia» i «Šynok». U mieniu — sytnyja stravy słavianskaj kuchni.
Takim čynam, kali vy płanujecie naviedać kulturnyja ci spartovyja mierapryjemstvy, a taksama zakazać paŭnavartasny abied ci viačeru, to ŭziać z saboj pryjdziecca nie mieniej za 120 rubloŭ na darosłaha čałavieka.
Čytajcie taksama:
Praskrypcyi Suły — «Čornaja kniha Ryma»? Jak rymski konsuł vyniščaŭ vorahaŭ respubliki
potomu čto srazu ponimała, naskolko eto iskusstvienno vsie
v Sule, k sožaleniju (hovoriu ž))
pobyvała odin raz
do sich por otplevaťsia nie mohu