Pamior francuzski biznesmien, jaki staŭ pratatypam hałoŭnaha hieroja filma «1+1»
Pamior francuzski biznesmien Filip Poca dzi Borh, jaki staŭ pratatypam hałoŭnaha hieroja filma «1+1». Jamu było 72 hady. Pra heta paviedamlaje Le Monde.
Filip Poca dzi Borh. Fota: Wikimedia Commons
Biznesmien, jaki byŭ prykavany da invalidnaha vazka, pamior 1 červienia ŭ Marakiešy.
Hraf Filip Poca dzi Borh, jaki naradziŭsia 14 lutaha 1951 hoda, pachodziŭ ź vialikaj karsikanskaj siamji i byŭ byłym kiraŭnikom doma šampanskich vinaŭ Pommery. U jaho zdaryŭsia paralič noh u 1993 hodzie paśla avaryi na parapłanie. Praź niekalki hadoŭ, paśla śmierci svajoj žonki, jon naniaŭ pamočnika pa žyćciezabieśpiačeńni, ź jakim u jaho skłalisia siabroŭskija stasunki. Pra hetyja stasunki jon raskazvaje ŭ svajoj knizie.
Kadr ź filma «1+1»
Vypuščany ŭ 2011 hodzie film «1+1» u tym časie mieŭ samy vialiki pośpiech u francuzskim kiniematohrafie. Kasavyja zbory filma skłali bolš za 400 miljonaŭ dalaraŭ.
