Znajści
Ałharytmičny łacinski varyjant
02.06.2023 / 21:3912RusŁacBieł

Alena Anisim: Pieraniesła «sutki» spakojna. Bieź niervaŭ, biez emocyj, bieź ničoha…

Eks-deputatka Pałaty pradstaŭnikoŭ i byłaja staršynia likvidavanaha Tavarystva biełaruskaj movy, jakaja na hetym tydni vyjšła z Akreścina paśla adbyćcia 12 sutak administracyjnaha pakarańnia, raskazała «Narodnaj Voli» pra svajo zatrymańnie, znachodžańnie na «sutkach» i zvalnieńnie z Akademii navuk.

Alena Anisim

— 12 sutak aryštu ŭ mianie skončylisia 29 maja ŭ 14:00, — dzielicca Alena Anisim. — U hety dzień ja pryjechała dachaty, a ŭ nastupnyja dni raźbirałasia z tym, što mianie zvolnili z raboty, treba było zabirać pastanovu suda, apłačvać usie pasłuhi, jakija mnie, tak by mović, akazali na Akreścina. Treba było taksama źjeździć i zabrać telefon.

Akramia ŭsiaho inšaha, ja jašče schadziła ŭ palikliniku i vypisała tyja leki, jakija mnie byli nieabchodnyja, bo jany skončylisia.

A ŭčora dzieści ŭ abied adpraviłasia ŭ viosku, kab padychać śviežym pavietram, adnavicca dy pryvieści haspadarku ŭ paradak.

— I jak haspadarka?

— Biezumoŭna, vidovišča było, jak kažuć, vartaje žalu, bo tut daždžu ni hramulki nie ŭpała. Usio prosta sochnie, haryć, trava taksama nie nadta raście.

Ale samaje kryŭdnaje, što nie rastuć truskaŭki. Usio pavysychała, a pakul mianie nie było, to nie było kamu i palivać. I navat kvietki nie rastuć, tamu ŭ mianie z hetaj nahody vialikaje zasmučeńnie.

Praŭda, chłopcy mnie dapamahli — skasili travu na ŭčastku, zrabili nievialički parničok i pasadzili pamidory, piercy. Burački pavyłazili, bulba padymajecca. Naturalna, usio prypaźniłasia, ale što zrobiš? Paŭmiesiaca vypała tolki tak.

Siońnia ŭ nas rezka pachaładała, i ja praź pierapady tempieratur niešta padchapiła. Dy i paśla «sutak» nie da kanca ačuniała. Trochi kašal zastajecca, navat było, što hołas straciła. Tamu na leciščy vyrašyła navat piečku pratapić, kab nočču było kamfortna spać.

— Kali vy daviedalisia, što vas zvolnili z pracy?

— U mianie jašče raniej było pradčuvańnie, što pracoŭnyja adnosiny ź Instytutam mohuć u skorym časie skončycca, a kali ŭžo pryjechała milicyja i zabrała z pracy, to stała zrazumieła, što ŭ Instytucie mianie ŭžo nichto trymać nie budzie.

— Zastałasia kryŭda na dyrektara Instytuta movaznaŭstva?

— Ni ŭ jakim razie! Heta ni ad kaho i ni ad čaho nie zaležyć. Vidać, była peŭnaja ŭstanoŭka, pa jakoj ludziej zatrymlivajuć. Ni dyrektar, ni chto inšy hetamu nie pieraškodziać. Jość rečy, jakija adbyvajucca niezaležna ad dyrektara ŭstanovy. Jon navat sam moža nie razumieć i nie zdahadvacca pra toje, jak usio adbyvajecca.

Ale zvolnili mianie i sapraŭdy pa niejkich nadumanych pryčynach, chacia pry hetym dadali: «Nie mahli inakš. Zanadta rezanansnaje zatrymańnie było».

— Budziecie šukać niejkija varyjanty z pracaŭładkavańniem?

— Letam ja nie źbirajusia kudyści pracaŭładkoŭvacca, bo treba krychu ačuniać, akryjać, adpačyć. I treba ŭsio asensavać.

A ź vieraśnia, mahčyma, užo budu šukać niejkuju padpracoŭku. Niejkija minimalnyja hrašovyja srodki ŭ vyhladzie piensii ja ŭsio-taki maju, tamu letam mahu sabie dazvolić nie pracavać.

A što budzie dalej? Žyćcio pakaža. Kali ŭsio budzie narmalna, to pasprabuju znajści novuju rabotu. Zrazumieła, što ŭ dziaržaŭnuju ŭstanovu šlach mnie ŭžo zakazany, tamu budu niešta inšaje šukać.

— Jak vy pieranieśli 12 sutak na Akreścina?

— Spakojna. Bieź niervaŭ, biez emocyj, bieź ničoha.

— Dla vas było niečakanaściu, kali pa vas milicyja pryjšła na pracu?

— Absalutna! Chacia stała zrazumieła, što pryčyna tut absalutna inšaja, čym reposty niejkich zabaronienych resursaŭ. U isnaści ŭsio inakš. Mahčyma, paźniej patłumaču z hetaj nahody padrabiaźniej.

— Uvieś čas, pakul vy znachodzilisia na «sutkach» hramadskaść nie viedała, što z vami, jak vaša zdaroŭje, dzie vy znachodziciesia. A dzieci mieli niejkuju infarmacyju?

— Na pracy viedali, što mianie zatrymali, tamu maim blizkim pra heta, naturalna, paviedamili. Paźniej dzieci sprabavali vyśvietlić, dzie ja znachodžusia, ale zrabić heta im udałosia nie adrazu.

Niekatoryja žurnalisty telefanavali synam, kab tyja niešta paviedamili pra mianie, ale jany skazali tak: «Biez zhody mamy ničoha kazać nie budziem». I, pa vialikim rachunku, jany zrabili pravilna.

— Čym dzieci častavali mamu, kali vy vyjšli na volu?

— Dla dziaciej ja jak niečakana źnikła, tak ža niečakana i źjaviłasia, tamu nichto admysłova nie rychtavaŭsia. Viečaram zvyčajna sabralisia, pajeli zvyčajnaj bulby i katlet, pasprabavali sałaty i chatniaje vino. Usio było prosta, ale vielmi dušeŭna.

Byłuju deputatku Pałaty pradstaŭnikoŭ i kiraŭnicu likvidavanaha ŭ listapadzie 2021 hoda Tavarystva biełaruskaj movy Alenu Anisim zatrymali na jaje pracoŭnym miescy — u Instytucie movaznaŭstva Akademii navuk. Paśla nijakich źviestak pra jaje nie było.

Jak vyśvietliłasia, pa viersii milicyjanieraŭ, Anisim «ahresiŭna siabie pavodziła ŭ RAUS», za što i była asudžanaja da administracyjnaha aryštu na 12 sutak.

Za hety čas z Akademii navuk jaje zvolnili

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Bienia/adkazać/
03.06.2023
Vsie na vybory!
1
dočka Maksima Dizajniera/adkazać/
03.06.2023
v 20-m ,,prosnuli,, tipa błohierov
tipa novaja vołna...
koho ž antiresna 
sabirajutsia ,,razbudiť,, v 25-m?
2
umka 666/adkazać/
03.06.2023
vy čto - diejstvitielno nie zamietili, kak vas razyhrali vot tak vot prosto ?

k niesčasťju poka vsie jeŝie jesť ja

blin, kohda ja užie sdochnu?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera