Znajści
Ałharytmičny łacinski varyjant
03.06.2023 / 08:369RusŁacBieł

Čaho čakać ad sioletniaha Viva Braslav: voś chto budzie vystupać

Z 28 na 29 lipienia adbudziecca viadomy biełaruski oŭpen-ejr — Viva Braslav 2023. Fest na Brasłaŭskich aziorach tradycyjna źbiraje šmat uvahi, a arhanizatary ŭvohule nazyvajuć jaho hałoŭnym muzyčnym uik-endam krainy. «Naša Niva» pahladzieła, kaho ŭ hetym hodzie prapanujuć słuchać biełarusam.

Fota: Instagram / vivabraslav.real

Spačatku troški pra toje, kaho arhanizatary pryvozili ŭ Brasłaŭ raniej. Siarod artystaŭ, jakija za hetyja hady byvali na feście, — ukrainiec Ivan Dorn, biełaruskija zorki ŁSP, kanadziec Apashe. U Brasłaŭ pryjazdžali i vykanaŭcy z Rasii, taja ž Zivert, ale ich kolkaść nie była pieravažnaj, i havorka zaŭsiody išła pra topavych artystaŭ dla taho ci inšaha hoda.

U hety ž raz arhanizatary Viva Braslav zbolšaha prapanujuć słuchać mienavita śpievakoŭ z Rasii i Biełarusi. Naprykład, abiacajuć vieteranaŭ rasijskaj pop-sceny, hurty «Otpietyje mošieńniki» i «Band'eros». Žadajecie pasłuchać kahości naviejšaha? Vašaj uvazie Macan, jakoha arhanizatary nazyvajuć pradstaŭnikom sučasnaha ruskaha chip-chopu, abo pop-hurt HammAli & Navai. Ci Instasamka. Jak vyhladaje jaje tvorčaść, možacie bačyć nižej:

Što da biełaruskich artystaŭ, u hety raz u Brasłavie nie budzie zorak nakštałt ŁSP. Pryviazuć minski pop-rok kalektyŭ saypink!, śpievaka SHARANKOU, jaki byŭ łaŭreatam «Słavianskaha bazaru —2017», minskaha chip-chopiera Bakieja, pank-rokaŭski kalektyŭ «ParaLel» i śpiavačku «Prosto Lera». Ale nie ŭsio tak zmročna: na fest zavitaje tancavalny pop-hurt Parade of Planets sa svaimi frankamoŭnymi tvorami.

Adznačym i inšych zamiežnikaŭ, jakich viazuć na sioletni fest:

  • Martin Jensen — papularny dacki dydžej;
  • KAAZE — viadomy dydžej i pradziusar sa Šviecyi;
  • AVAO — hałandski duet dydžejaŭ;
  • ANG — duet mieksikanskich dydžejaŭ i pradziusaraŭ.

Ukrainskich artystaŭ na Viva Braslav u hetym hodzie nie čakajuć, i heta pradkazalna, bo naŭrad ci chto ź ich pajedzie vystupać u krainu-ahresar. Kali b takija vykanaŭcy i byli, jany b mocna ryzykavali atrymać prablemy na radzimie.

Toje, jakich vykanaŭcaŭ prapanuje sioleta fest, vyklikała ŭ sacyjalnych sietkach źmiešanuju reakcyju. Častka amataraŭ Viva Braslav uspryniała naviny z zachapleńniem: pra heta śviedčać kamientary nakštałt «ahoń», «dziela ich varta pryjechać», «top dla RB», «budzie viesieła». Ale niekatoryja pryznavalisia, što za sioletni Viva Braslav im soramna, abo pisali «niezdarma zdaŭ bilety», «usio spadziavańnie ŭ hetym hodzie tolki na tych chłopcaŭ z kałonkami la darohi» ci prosta «dziakuj, ale nie».

Akramia ŭłasna muzyki na feście čakajecca šmat inšych aktyŭnaściaŭ: fud-kort, paloty na aerastacie, roznyja atrakcyjony, joha, cir, radea na byku i hetak dalej. Košt standartnaha bileta składaje 139,9 rubla, ale jość i varyjanty aŭtobusnych turaŭ ad 315 rubloŭ.

«Naša Niva» — bastyjon biełaruščyny

PADTRYMAĆ

«Pieršaje, što paprasiŭ pieradać ź Biełarusi — indziejski stroj, draŭlanaje kanoe i cipi». Chto takija «biełaruskija indziejcy» i jak jany žyvuć

«Heta zrobić nas tolki macniejšymi». Biełaruskija vydaŭcy pradavali knihi na kirmašy ŭ Biełastoku

Biełaruskija śpiektakli ŭ varšaŭskaj afišy. Raskład na ŭsio leta

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
34
Ха-ха
1
Ого
2
Сумна
6
Абуральна
15
4
paca-vaca/adkazać/
03.06.2023
pravdu słušať nieprijatno, da, małyši?
0
tvr/adkazać/
03.06.2023
**, a vy siebie sovkovoho kołchoźnika
3
spokojnoj noči, małyši/adkazać/
03.06.2023
tvr, sovchoźnika
podučitie snačała choť niemnoho matčasť
kotoryj diesiatok let užie prošu
r
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930