Znajści
Ałharytmičny łacinski varyjant
01.06.2023 / 19:191RusŁacBieł

Uładzimir Arłoŭ prajedzie ź litaraturnym turam pa Jeŭropie — bolš za 10 haradoŭ u čatyroch krainach

Bolš za 10 haradoŭ u čatyroch krainach naviedaje ŭ červieni piśmieńnik Uładzimir Arłoŭ, kab prezientavać svaje knihi.

Uładzimir Arłoŭ. Fota: «Naša Niva»

Piśmieńnik Uładzimir Arłoŭ padčas sustreč u Polščy, Niamieččynie, Italii i Litvie najpierš paznajomić čytačoŭ sa svajoj novaj knihaj «Ajčyna. Ad Ahinskaha da Bahuševiča». Aŭtar začytaje taksama ŭryŭki sa znakamitych «Imionaŭ svabody» z 410 partretami zmaharoŭ za svabodu biełaruskaj ziamli z časoŭ Tadevuša Kaściuški i da našych dzion, paviedamlaje Biełaruskaja redakcyja Polskaha radyjo. 

Buduć pradstaŭleny čytačam i inšyja knihi, vydadzienyja fondam Kamunikat.org., u tym liku najnoŭšaje vydańnie «Ad Jeŭfrasińni, ad Skaryny. Tajamnicy połackaj historyi». Hetuju knihu Uładzimir Arłoŭ prezientavaŭ u Biełastoku ŭ apošni dzień maja padčas sustrečy histaryčnaha kłuba Beer&History.

Siońnia prezientacyja ŭ Varšavie , u Łodzi — 2 červienia, u Krakavie — 4 červienia.

U miežach dzion salidarnaści «Kultura ŭ emihracyi» Uładzimir Arłoŭ raspaviadzie pra ŭdzieł žančyn u paŭstańni Kastusia Kalinoŭskaha. Bolšaść sustreč budzie prachodzić mienavita z akcentam na paŭstańnie Kastusia Kalinoŭskaha, bo sioleta adznačajecca 160 hod ad paŭstańnia 1863 hoda.

Va Urocłavie (5 červienia) tvorčaja sustreča «Zmaharnaje stahodździe» ź piśmieńnikam i historykam Uładzimiram Arłovym budzie pryśviečana biełaruskaj historyi XIX st.

U Poznani (6 červienia) padčas sustrečy «Patria aeterna. Ajčyna — viečnaja» piśmieńnik budzie raspaviadać pra psichałohiju tvorčaści i pra toje, jak naradžajucca knihi.

U Bierlinie (7 červienia) sustreča projdzie pad paŭstanckim zaklikam «Miežy Ajčyny paznačym kryvioju!». Padčas sustrečy buduć raskrytyja novyja fakty z žyćcia Kastusia Kalinoŭskaha dy małaviadomyja staronki bajavych dziejańniaŭ suprać rasijskich vojskaŭ. Piśmieńnik raskryje hetyja temy ŭ adkrytaj razmovie z publikaj.

Taksama ŭ červieni zapłanavanyja sustrečy piśmieńnika ź biełaruskaj dyjasparaj u Miłanie, Bałońji i Rymie (Italija), a ŭ kancy miesiaca — u Litvie.

Arhanizatar «litaraturnaha turne» — Biełaruskaja internet-biblijateka i fond Kamunikat.org.

Čytajcie taksama:

«Nieviadomyja biełaruskija teksty z atačeńnia Kalinoŭskaha 1863 hoda». Biełaruski moładzievy chab zaprašaje na «Kavu z historykam»

Vyjšła kniha «Antałohija paetak. Vybranaje Valžynaj Mort»

Biełaruskaja mastačka zrabiła pryhožyja vycinankavyja stykiery

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
0
Ха-ха
1
Ого
1
Сумна
0
Абуральна
1
4
Niekropol/adkazać/
01.06.2023
Jeŝio b pro udzieł nietradicionnych v vosstanii Kalinovskoho, i tohda było by sovsiem po-jevropiejski.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930