Znajści
Ałharytmičny łacinski varyjant
01.06.2023 / 18:233RusŁacBieł

Viktar Babaryka vystupić śviedkam pa spravie syna na sudzie

U Minskim abłasnym sudzie praciahvajecca słuchańnie pa kryminalnaj spravie Eduarda Babaryki. Niekatoryja padrabiaznaści raspaviadaje «Minskaja praŭda».

Eduard Babaryka padčas pieršaha pasiadžeńnia

Sud pa spravie Eduarda Babaryki pačaŭsia 22 maja. Tady stała viadoma, što pavodle dziaržabvinavačańnia, Eduard Babaryka «akazvaŭ sadziejničańnie Cichanoŭskamu ŭ arhanizacyi masavych biesparadkaŭ».

«Eduard Babaryka dapamahaŭ Siarhieju Cichanoŭskamu ŭ arhanizacyi masavych biesparadkaŭ, jakija supravadžalisia nasillem nad asobaj, pahromami, padpałami, źniščeńniem majomaści i ŭzbrojenym supraciŭleńniem pradstaŭnikam ułady», — skazaŭ prakuror.  

Siońnia na sudzie Eduard Babaryka zajaviŭ chadajnictva ab vykliku Siarhieja Cichanoŭskaha ŭ sud u jakaści śviedki i dopycie jaho ŭ častcy vyśviatleńnia abstavin ich znajomstva. 

Raniej Eduard kazaŭ, što sustreŭsia ŭpieršyniu ź Cichanoŭskim tolki na kruhłym stale ŭ SIZA KDB, arhanizavanym dla sustrečy z Łukašenkam, tamu nie moh być pamahatym Cichanoŭskaha. 

«Adnak, tak jak heta asoba nie ŭklučana ŭ śpis śviedkaŭ, jakija padlahajuć vykliku, sud paraiŭsia i pryniaŭ rašeńnie admović u hetym chadajnictvie», — piša «Minskaja praŭda».

Akramia taho, Eduard Babaryka chadajničaŭ ab vykliku svajho baćki — Viktara Babaryki — dla dačy tłumačeńniaŭ adnosna padoranych jamu, jak synu, hrošaj. 

Dziaržabvinavaŭca na heta adkazaŭ, što Viktar Babaryka ŭžo ŭklučany ŭ hety śpis asob.

Takim čynam, u sudzie, narešcie, možna budzie pabačyć palityka, pra jakoha ničoha nie viadoma bolš za miesiac.

Jak piša «Minskaja praŭda», advakat Eduarda chacieła vyklikać u sud śviedku — buchhałtara, jakaja viała buchhałtarski ŭlik u TAA «Chajv Prodžekt». 25 maja jana ŭ elektronnaj pierapiscy paviedamiła abaroncu, što nie moža źjavicca ŭ Minski abłasny sud, bo znachodzicca za miažoj. Na dumku advakata, mienavita hetaja žančyna vystupała faktyčnym kiraŭnikom «Chajv Prodžekt», pieradaje «Minskaja praŭda». Advakat ličyć, što były buchhałtar «Chajv Prodžekt» moža znachodzicca ŭ Biełarusi.

Prakuror taksama paprasiŭ pryniać miery da vykliku hetaj śviedki.

Pasiadžeńnie zakryvali

Častka spravy, jakaja tyčyłasia Siarhieja Cichanoŭskaha, razhladałasia siońnia ŭ zakrytym režymie, bo sama sprava Cichanoŭskaha mienavita tak razhladałasia.

Taksama siońnia na sudzie apytvali śviedku Juryja (nazyvajecca tolki jaho imia). Jon raźmiaščaŭ na placoŭcy MolaMola infarmacyju ab zbory hrošaj sabie na apłatu štrafu za administracyjnaje pravaparušeńnie, bo byŭ pryciahnuty da adkaznaści ŭ 2020 hodzie padčas pratestaŭ u Minsku. Z Eduardam Babarykam jon asabista nie znajomy. Jury raspavioŭ, što byŭ adličany z univiersiteta ŭ suviazi z usimi hetymi padziejami i straciŭ lubimuju pracu. Pravioŭ troje sutak na Akreścina.

— Znajomy, ź jakim my mieli znosiny troški paśla hetaha, nakolki ja viedaju, źbiraŭ hrošy sabie na štraf. Jamu patrebna była suma značna bolšaja. My śpisalisia ŭ sacsietkach, ja chacieŭ daviedacca, što čuvać, i jon mnie parekamiendavaŭ na hetaj placoŭcy sabrać hrošy samomu. Ja pasprabavaŭ, atrymałasia, — pieradaje słovy śviedki vydańnie.

Eduard Babaryka, pavodle vydańnia, adkazaŭ, što nie viedaje ničoha pra toje, što placoŭka vykarystoŭvałasia ŭ takich metach. 

Pavodle jaho słoŭ, jon nie viedaje i kaardynatara kampanii BYCOVID19 Andreja Stryžaka, chacia jaho prajekty taksama raźmiaščalisia na resursie, piša «Minskaja praŭda».

Sudovaje pasiadžeńnie praciahniecca 7 červienia.

Čytajcie taksama:

«U jaho niama nijakaj ahresii da režymu». Palitviazień, jaki siadzieŭ z Eduardam Babarykam, raskazaŭ pra jaho

Były palitviazień z navapołackaj kałonii raskazaŭ, jakoha kampramisu patrabavali ad Babaryki

«Ja vielmi nie lublu termin spraviadlivaść». Eduard Babaryka daŭ intervju ź SIZA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Janka/adkazać/sačyć
01.06.2023
Viktar Babaryka moža i ŭklučany ŭ śpis śviedkaŭ, ale słužkam režymu ničoha nie zaminaje ŭ apošni momant prydumać niejkuju całkam absurdnuju łuchtu na kont taho, čamu jon nia moža pryniać udzieł u praceśsie, a "sudździe" stanoŭča pryniać jaje. A pakul što jość mocnyja padazreńni, što Viktar Babaryka ŭžo ŭvohule nie žyvy -  u jahonym niemaładym uzroście paśla amal troch hadoŭ trymańnia ŭ katavalnych umovach źbićcie z prabićciem lohkaha ź vialikaj vierahodnaśćciu moža mieć fatalny vynik.
0
dočka Maksima Dizajniera/adkazać/sačyć
01.06.2023
dyk stolki ž ludziej było za babarykau toj viasnoj-letam
dzie jany usie?
01.06.2023
Heta nie sud, i heta navat nie cyrk. Heta niejkaje mietafaryčnaja psichična-chvoraje dziejańnie
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031