Znajści
Ałharytmičny łacinski varyjant
02.06.2023 / 08:446RusŁacBieł

«Prastajali ŭsiu noč u čarzie, kab daviedacca, što na miažy nielha vypisać strachoŭku». Ź jakimi prablemami sutykajucca biełarusy praz skasavańnie «Zialonaj karty»

Termin dziejańnia abaviazacielstvaŭ pa ŭzajemnym pryznańni «Zialonaj karty» skončyŭsia 1 červienia. Ale biełaruskija strachavyja kampanii pierastali afarmlać polisy hetaha typu jašče 17 maja. Zaraz vyjechać za miažu mohuć tolki tyja aŭtamabili, što zastrachavanyja ŭ zamiežnych strachavych. Jak vyśvietliłasia, zrabić heta niaprosta.

Fota: «Naša Niva»

«Jedźcie praź inšy punkt propusku»

Spačatku zadavałasia, što zvyčajnyja aŭtaamatary buduć tolki ŭ plusie, bo jeŭrapiejskija polisy tańniejšyja za biełaruskija. Ale nabyć strachoŭku možna nie na ŭsich punktach propusku.

Naprykład, ludzi, jakija pa niekalki hadzin stajali ŭ čarzie na vyjezd ź Biełarusi praz punkt propusku «Łoša», byli vymušanyja razvaročvacca i jechać na inšy pamiežny pierachod, dzie takaja mahčymaść jość.

«Biełaruski pahraničnik pierad tym, jak zapuścić na terytoryju terminała, spytaŭ, ci jość u nas strachoŭka dla ŭjezdu ŭ Litvu. Naturalna, što jaje ŭ nas nie było, bo my raźličvali, što kupim jaje ŭ samim punkcie propusku na litoŭskim baku», — kaža surazmoviec.

Biełaruski pamiežnik paviedamiŭ padarožnikam, što im niama sensu zajazdžać na terminał, bo biez strachoŭki ich nie prapuścić litoŭski bok, a aformić strachoŭku ŭ hetym punkcie propusku niemahčyma.

«U vyniku my amal cełuju noč praviali ŭ čarzie, kab daviedacca, što nie zmožam patrapić u Litvu. Naš pahraničnik paraiŭ nam jechać praz «Katłoŭku» abo «Kamienny Łoh», bo tam polis možna nabyć na samoj hranicy».

Nabyć strachoŭku na miažy ź Litvoj možna ŭ čatyroch z šaści punktaŭ propusku. Aproč «Łošy», strachoŭku niemahčyma zrabić u punkcie propusku «Vidzy».

Trapić u Polšču jašče składaniej. U adzinym pasažyrskim punkcie propusku «Brest — Tarespal» vypisać polis taksama nielha.

«Razvaročvajuć prama na moście»

Pa słovach čytača, palaki nie puskajuć u Polšču, kali ŭ kiroŭcy niama strachoŭki na aŭtamabil.

«Prama na moście razvaročvajuć u Biełaruś», — kaža mužčyna.

Aproč niekatorych punktaŭ propusku na biełaruska-litoŭskaj miažy, zastrachavać aŭtamabil možna niepasredna na terytoryi ES. Ale taki varyjant padychodzić tolki tym, chto ŭžo znachodzicca tam.

Taksama niekatoryja litoŭskija strachavyja kampanii hatovyja aformić polis anłajn. Strachoŭka na 15 dzion kaštuje 28 jeŭra, choć jašče niadaŭna jaje pradavali pa 21 jeŭra. Polis na 30 dzion kaštuje 36 jeŭra, cana na jaho apošnim časam nie źmianiałasia.

Ale mohuć uźniknuć składanaści z apłataj. Biełarusam davodzicca prasić znajomych, jakija žyvuć u Litvie, kab tyja apłacili polis sa svajho litoŭskaha rachunku, bo strachavyja nie prymajuć pieravody ź biełaruskich kart. Niekatoryja biełarusy kažuć, što raźličvalisia za litoŭskija strachoŭki praz Paysend.

Nabytaja ŭ Litvie strachoŭka padychodzić dla ŭsich krain ES.

Z Polščaj situacyja, prynamsi, pakul vyhladaje bolš składanaj, bo paśla taho, jak napłyŭ achvotnych afarmlać polisy anłajn pavialičyŭsia, polskim strachavym kampanijam zabaranili afarmlać polisy ŭ anłajn-farmacie na aŭto, zarehistravanyja ŭ Biełarusi i Rasii.

Ale niekatoryja čytačy kažuć, što kali jość znajomyja strachavyja ahienty, to zastrachavać aŭtamabil biez prysutnaści možna. Ale naturalna, što taki varyjant dasiažny daloka nie dla ŭsich.

Ceny na strachoŭku ŭ Polščy roznyja. Polis na 30 dzion pradajuć ad 160 złotych (kala 35 jeŭra).

Dla paraŭnańnia, biełaruskaja «Zialonaja karta» na 15 dzion kaštavała 30 jeŭra, a na 30 dzion — 50 jeŭra. 

Čytacie taksama: 

Polšča zakryła miažu dla pryčepaŭ na biełaruskich i rasijskich numarach — jak heta adabjecca na Biełarusi?

MZS Biełarusi paabiacała «asimietryčny adkaz» Polščy na sankcyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
10
Fanderlajn/adkazać/
02.06.2023
Aj-voj, biednyja! Čaho vy preciesia siudy, kali vas usio zadavalniaje pad rasiejskim botam u Biełarusi?!
1
Kazik/adkazać/
02.06.2023
Fanderlajn, kaho što zadavalniaje?
0
Dr. Someone/adkazać/
02.06.2023
Dla infarmacyi: u Biełnaftastrachu ŭčora mnie prapanavali strachoŭku dla aŭtamabila na jeŭrapiejskich numarach dla ŭjezdu ŭ RB za 25 jeŭra na miesiac. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera