Znajści
Ałharytmičny łacinski varyjant
31.05.2023 / 22:531RusŁacBieł

Polšča zatrymała eks-supracoŭnika FSB, jaki ŭciok z Rasii, i rychtuje jaho da departacyi

U Polščy zatrymali byłoha supracoŭnika FSB Emrana Naŭruźbiekava, jaki raskryŭ schiemu pastanovačnych teraktaŭ rasijskaj śpiecsłužby. Jaho źbirajucca departavać u Rasiju, piša resurs «Ahienctva» sa spasyłkaj na žonku zatrymanaha i pastanovu suda.

Emran Naŭruźbiekaŭ

Naŭruźbiekaŭ emihravaŭ z Rasii jašče ŭ 2017 hodzie i z tych časoŭ žyŭ ź siamjoj u ES, niahledziačy na toje što jamu admovili ŭ atrymańni palityčnaha prytułku. U pastanovie suda havorycca, što polskija palicyjanty zatrymali Naŭruźbiekava 17 maja padčas pravierki dakumientaŭ u łahiery dla ŭciekačoŭ u Kujaŭska-Pamorskim vajavodstvie, kudy jaho źmiaścili paśla druhoj sproby padać zajavu na prytułak u kastryčniku 2022 hoda. Mužčynu źmiaścili pad aryšt praz mahčymaje parušeńnie praviłaŭ pavodzin u łahiery.

U dakumiencie adznačajecca, što Naŭruźbiekaŭ nie padparadkoŭvaŭsia patrabavańniam palicejskich i pavodziŭ siabie ahresiŭna. Sam rasijanin, sa słoŭ jahonaj žonki, heta admaŭlaje.

Sud zabaraniŭ Naŭruźbiekavu ŭjezd u Polšču i krainy Šenhienskaj zony na 10 hadoŭ. Ciapier jon znachodzicca ŭ achoŭnym centry dla zamiežnikaŭ u Pšemyśli. Tam były supracoŭnik FSB prabudzie da 15 žniŭnia ŭ čakańni departacyi.

Naŭruźbiekava taksama ŭklučyli ŭ śpis asob, jakija pahražajuć biaśpiecy Polščy. Sud nazvaŭ heta adnoj z pryčyn dla departacyi.

U śniežni minułaha hoda Emran Naŭruźbiekaŭ daŭ intervju zasnavalniku prajekta Gulagu.net Uładzimiru Asiečkinu, u jakim nazvaŭ siabie byłym supracoŭnikam kontrvyviednickaha padraździaleńnia ŭpraŭleńnia FSB. Jon raskazaŭ pra praktyku «kiravanych teraktaŭ» — pastanovačnych apieracyj pa «likvidacyi terarystaŭ», jakija arhanizuje FSB na Paŭnočnym Kaŭkazie. Na ich supracoŭniki śpiecsłužbaŭ nibyta zarablajuć premii i padvyšeńni.

Čytajcie taksama:

Stała viadoma, jak syn čynoŭnika, blizkaha da Pucina, uciok z-pad chatniaha aryštu ŭ Italii

Niamiecki miljarder, jaki piać hadoŭ tamu źnik u Alpach, znajšoŭsia ŭ Maskvie

«Zabjuć — ok, nie zabjuć — vialiki dziakuj». Były «vahnieraviec» Miadźviedzieŭ zajaviŭ, što choča viarnucca z Narviehii ŭ Rasiju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
31.05.2023
Polša Rf kritikujet i odnovriemienno podyhryvajet))
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031