Vice-śpikier rasijskaj Dziarždumy publična pakajaŭsia za «žachlivy hrech» — siamiejnyja suviazi z Zachadam
Vice-śpikier Dziarždumy Piotr Tałstoj adkazaŭ na paproki ŭ svoj adras, jakija vykazvalisia ŭ suviazi z pajezdkaj jahonaj dački ŭ ZŠA. Jon pakajaŭsia za hety strašny hrech dački, a pry nahodzie i za anałahičny svoj, piša «Kommiersant».
Piotr Tałstoj. Fota: Dźmitryj Duchanin / «Kommiersant»
Tałstoj rastłumačyŭ, što dačka jahonaja ŭ Amierycy nie vučyłasia, a stažyravałasia, ale tym nie mienš jaje znachodžańnie tam nazvaŭ «žachlivym svaim hrachom» i paprasiŭ za jaho prabačeńnia. Zaadno pakajaŭsia i ŭ tym, što ŭ svoj čas sam atrymaŭ druhuju vyšejšuju adukacyju ŭ Francyi.
«Jana jeździła na stažyroŭku ad škoły. Ich pavieźli na dva tydni… Heta strašenny moj hrech»,— skazaŭ vice-śpikier Dziarždumy ŭ hutarcy ŭ prahramie «Žyćcio i los» na kanale «Rasija 1».
«Jana źjeździła ŭ Amieryku, prabačcie mnie, kali łaska. Ja sam atrymaŭ druhuju vyšejšuju adukacyju ŭ Francyi. I za heta prašu prabačeńnia», — zajaviŭ Tałstoj. Kali jon pačuŭ paproki ŭ suviazi z vyšejpieraličanym, jon, maŭlaŭ, adčuŭ «hłabalnuju vinu».
U žniŭni 2022 hoda za svaju dačku ŭžo vybačaŭsia sienatar ad Chanty-Mansijskaj aŭtanomnaj akruhi Eduard Isakaŭ. Jon nazvaŭ dačku zdradnicaj praź jaje admoŭnuju pazicyju pa vajnie va Ukrainie.
Čytajcie taksama:
Vajna pryjšła na Rubloŭku. U epicentry ataki dronaŭ apynulisia majontki pucinskaj elity
U Turcyi ŭkrainskija i rasijskija deputaty pabilisia na parłamienckim samicie VIDEA
