Złodzieja ŭ zakonie Kušniera pačnuć sudzić u Minsku
Abvinavačanamu, jaki viadomy jak kryminalny aŭtarytet Saša Kušnier, pahražaje da 25 hadoŭ pazbaŭleńnia voli.
Alaksandr Kušniaroŭ
Minski haradski sud na hetym tydni razhledzić kryminalnuju spravu ŭ dačynieńni da kryminalnaha aŭtarytetu Alaksandra Kušniarova, piša Sputnik.
Kušniaroŭ viadomy jak «kryminalny aŭtarytet» Saša Kušnier i adzin z klučavych udzielnikaŭ homielskaj «bandy Marozava».
Na hety raz jaho vinavaciać u padrychtoŭcy zakaznoha zabojstva. Havorka idzie pra pomstu za siabra i samaha viadomaha azierbajdžanskaha złodzieja ŭ zakonie — Nadzira Salifava pa mianušcy Huli.
Pieršaje sudovaje pasiadžeńnie pa hetaj kryminalnaj spravie pryznačanaje na 2 červienia na 10:30, jak paviedamili vydańniu ŭ paniadziełak u Mienskim haradskim sudzie.
Kušniarova abvinavačvajuć u padrychtoŭcy da zakaznoha zabojstva dźviuch asob.
Taksama jamu vystavili abvinavačańnie ŭ niezakonnym nabyćci, pieradačy ŭ vałodańnie, zachoŭvańni, pieravozcy, našeńni ahniastrelnaj zbroi i bojeprypasaŭ, što ŭčyniena paŭtorna.
Saša Kušnier byŭ zatrymany ŭletku 2022 hoda.
Dziejańni 56-hadovaha raniej nieadnarazova sudzimaha Kušniarova kvalifikavali pa č. 1 art. 13, p. p. 1, 12, 15, 16 č. 2 art. 139 (padrychtoŭka da zabojstva, pa najmie, hrupaj asob, asobaj, jakaja raniej učyniła zabojstva), a taksama pa č. 3 art. 295 (niezakonnyja nabyćcio, zachoŭvańnie, pieravozka, pieradača ŭ vałodańnie, našeńnie ahniastrelnaj zbroi i bojeprypasaŭ, što ŭčyniena paŭtorna) Kryminalnaha kodeksa.
Kušniarovu pahražaje da 25 hadoŭ pazbaŭleńnia voli.
1.Na miesca adnaho sacyjalna blizkaha urki za kraty pa habarytach mahčyma źmiaścić 5-6 palitviaźniaŭ. Jašče i vydatkavać hrošy na bializnu nia treba, a palityčnyja navat pry jaje adsutnaści usio roŭna zapłaciać - raśpisalisia ž ŭ momant Check-In. Usiudy profit!
2.Zabojca, dy jašče i nie naryk?! Kadravy rezierv z takim dośviedam dla režymu zaraz na košt zołata. Bo paśla rejdu Ŭajt Reksu i jahonych chłopcaŭ usim stała zrazumieła, čaho kaštujuć kardonnyja vojski navat pry šmatrazovaj kolkasnaj pieravazie suprać daśviedčanych u bajach matyvavanych vajaroŭ, dy jašče uzbrojenych technikaj. Jašče i zmahary ŭnutry zacicharylisia pad plintusam i čakajuć zručnaha momantu, što vymušaje stvarać sumnieŭnaje ŭ bajavym sensu apaŭčeńnie z čarka-škvaračnych dziadziek ź piŭnymi puzami. A tut badaj hatovy kamandzir dla tutejšaha Dyrli-Vahniera.