Pad Viciebskam paŭdnia šuhaŭ vialiki pažar na haradskim śmietniku
A druhoj hadzinie nočy 27 maja viciebskija ratavalniki atrymali paviedamleńnie ab pažary na terytoryi palihona ćviordych bytavych adkidaŭ DP «Śpiecaŭtabaza». Pažar byŭ vialiki, tamu tušyli jaho paŭsutak.
Niahledziačy na toje, što dla tušeńnia achoplenaha połymiem śmiećcia zadziejničali ažno 10 adzinak techniki i 28 čałaviek (ź ich 8 adzinak techniki i 21 supracoŭnik MNS), da šostaj hadziny ranicy zona pažaru achoplivała prykładna 1000 kvadratnych mietraŭ.
Paśla taho pažar tušyli da abiedu. Tolki prykładna ŭ 13:30 u telehram-kanale biełaruskaha MNS źjaviłasia paviedamleńnie ab tym, što ratavalniki likvidavali ŭzharańnie śmiećcia na palihonie ćviordych bytavych adkidaŭ u Viciebskim rajonie.
Viciebski palihon ćviordych kamunalnych adkidaŭ znachodzicca za dva kiłamietry na ŭschod ad abłasnoha centra i zajmaje płošču 32 hiektary.
Čytajcie taksama:
Pad Minskam zdaryŭsia mocny pažar
