Z mahiloŭskaj chimii vyzvaliłasia dvoje palitviaźniaŭ
25 i 26 maja z papraŭčaj ustanovy adkrytaha typu № 43 u Mahilovie vyjšli na volu Alaksandr Ahrajcovič i Dźmitryj Taratun.
Jak nahadvaje «Viasna», Dźmitryj Taratun byŭ asudžany na 3 hady «chimii» pavodle č. 2 art. 339 KK (chulihanstva) za toje, što raźmiaściŭ malunki «hramadska-palityčnaha źmiestu».
Alaksandr Ahrajcovič, naziralnik za vybarami, byŭ asudžany za paklop na pradstaŭnikoŭ vybarčaj kamisii padčas vybaraŭ u Pałatu pradstaŭnikoŭ u 2019 hodzie.
Pavodle viersii abvinavačańnia, Alaksandr Ahrajcovič apublikavaŭ na svaim Youtube-kanale «Dziońniki naziralnika» ŭ mai 2020 hoda zahadzia łžyvyja źviestki pra čalcoŭ vybarčaj kamisii, jakija źniesłaŭlajuć ich honar i hodnaść. U videa Ahrajcovič adznačyŭ, što jany falsifikatary vybaraŭ i ŭ pieryjad daterminovaha hałasavańnia padrabili dakumienty.
Abodva palitviaźni byli vyzvalenyja pa amnistyi niezadoŭha da zakančeńnia ich terminaŭ.
