Zbornaja Kanady stała pieršym finalistam ČS pa chakiei
U paŭfinalnym matčy kanadcy vyjhrali ŭ Łatvii 4:2. Pryčym Łatvija dvojčy viała ŭ liku — 1:0 i 2:1, ale ŭtrymać pieravahu nie zmahła, prapuściŭšy try šajby ŭ trecim pieryjadzie.
Skrynšot videa iihf.com
Na apošnich chvilinach pry liku 2:3 za šturšok supiernika na bort byŭ vydaleny Oskar Batnia, łatvijcy zastalisia ŭ mienšaści, i kanadcy pastavili kropku ŭ matčy — 4:2.
Kanada — u finale. Jana 27 razoŭ była čempijonam śvietu.
Tym nie mienš dla našych paŭnočnych susiedziaŭ hety čempijanat — vialikaje dasiahnieńnie. Łatvija ŭpieršyniu ŭ historyi prabiłasia ŭ paŭfinał. A zaŭtra paspračajecca za bronzu.
U druhim paŭfinale siońnia zhulajuć ZŠA i Niamieččyna.
Matč za 3-je treciaje miesca pačniecca zaŭtra ŭ 15:20, finał — u 20:20.
Zbornyja Biełarusi i Rasii druhi hod zapar nie biaruć udziełu ŭ čempijanacie śvietu. Ich adchilili z-za vajny va Ukrainie.
Čytajcie taksama:
Siensacyja na čempijanacie śvietu! Łatvija pieramahła Šviecyju i vyjšła ŭ paŭfinał
Chołanda pryznali najlepšym hulcom APŁ u hetym siezonie. Jaho vyniki nievierahodnyja
