U Piaskova spytali, dzie miaža eskałacyi. Toj pieravioŭ strełki na Zachad
Karespandent Usierasijskaj dziaržaŭnaj teleradyjokampanii spytaŭ u pres-sakratara prezidenta Rasii, dzie miaža eskałacyi i da čaho ŭsio ruchajecca.
Piaskoŭ syšoŭ ad adkazu i pierakłaŭ adkaznaść na Zachad.
«Ciažka skazać, dzie miaža, miaža pavinna, pa sutnaści, dyktavać rozum krainam kalektyŭnaha Zachadu, ale, na žal, heta nie adbyvajecca. Vidavočna, što kožny dzień raście stupień pramoj i ŭskosnaj uciahnutaści krain kalektyŭnaha Zachadu ŭ hety kanflikt.
Heta moža raściahnuć kanflikt pa časie, ale nie moža źmianić situacyju karennym čynam», — adkazaŭ Piaskoŭ.
Jon dadaŭ, što Rasija budzie praciahvać «vajennuju apieracyju».
Kali raniej rasijskija ŭłady abvinavačvali Ukrainu ŭ niežadańni mirnych pieramoŭ, to ciapier adkrytym tekstam kažuć, što razmaŭlać ź ciapierašnimi ŭkrainskimi ŭładami nie źbirajucca i što vajna budzie «biez kanca».
Čytajcie taksama:
U Kramli vystupili suprać zamarožvańnia kanfliktu va Ukrainie
