Znajści
Ałharytmičny łacinski varyjant
27.05.2023 / 19:1335RusŁacBieł

Ukrainski vajskovy ekśpiert upeŭnieny, što połk Kalinoŭskaha ź lohkaściu zojdzie ŭ Biełaruś dla źviaržeńnia Łukašenki

«Dumajecie, što kali navat šmatlikaja armija Rasii, što vajuje, nie zmahła spynić ukrainskich dyviersantaŭ u Biełharadzie, to ŭ biełaruskaj armii biez realnaha bajavoha dośviedu jość choć niejkija šancy?»

Fota: połk Kalinoŭskaha

Biełaruskija dobraachvotnickija atrady zmohuć ź lohkaściu zajści ŭ Biełaruś dla źviaržeńnia režymu Łukašenki. Pra heta ŭkrainskamu ahienctvu UNIAN 27 maja paviedamiŭ vajskova-palityčny ekśpiert Alaksandr Kavalenka.

Na jaho dumku, Łukašenka niezdarma daviaraje svaim instynktam i vielmi baicca biełaruskich dobraachvotnikaŭ, jakija zaraz vajujuć na baku Ukrainy. Asablivy impuls da hetaha strachu dadała niadaŭniaja hučnaja vyłazka dyviersijna-raźviedvalnych hrup na terytoryju Rasii. 

Ekśpiert upeŭnieny, što ŭ vypadku paŭtareńnia padobnaha scenara ŭ vykanańni pałka Kalinoŭskaha ŭ dačynieńni da Biełarusi, usia «papiarovaja» abarona Łukašenki adrazu ž rassyplecca.

«Praciahłaść hranicy Biełarusi i Ukrainy składaje 1084 kiłamietry, pry hetym učastak miažy pamiž nieakupavanymi častkami Ukrainy i administracyjnymi častkami Rasii składaje tolki 700 kiłamietraŭ. Uźnikaje pytańnie: kali 17 tysiač sałdat armii Rasii, što vajuje, nie zmahli na svaim učastku hranicy praduchilić praryŭ na froncie šyrynioj 40 kiłamietraŭ i hłybinioj 7 kiłamietraŭ, to jakija naohuł šancy pa abaronie 1000 kiłamietraŭ miažy jość u papiarovych biełaruskich sałdat, jakija pry hetym ni razu nie vajavali?» — zadajecca rytaryčnym pytańniem Alaksandr Kavalenka.

Ekśpiert aceńvaje kolkaść pałka Kalinoŭskaha amal u tysiaču bajcoŭ (faktyčna — dźvie hatovyja bataljonna-taktyčnyja hrupy), niahledziačy na ​​najaŭnaść biełaruskich dobraachvotnikaŭ i ŭ inšych ukrainskich vajskovych farmavańniach. Pry hetym na biełaruskaj miažy z Ukrainaj znachodzicca prykładna dźvie tysiačy asabovaha składu armii Biełarusi.

Adnak, na jaho dumku, navat kali ŭsio biełaruskaje vojska stanie na miažy z Ukrainaj, u jaho ŭsio adno nie budzie taho, čaho praźmierna chapaje ŭ biełaruskich dobraachvotnikaŭ, — realnaha bajavoha dośviedu.

«Tamu paśla zaviaršeńnia vajny i pry najaŭnaści faktaru ŭnutranaj padtrymki nasielnictva Biełarusi biełaruskija dobraachvotniki zmohuć pieramahčy łukašenkaŭskich siłavikoŭ i złamać u krainie represiŭnuju mašynu», — padahulniaje Alaksandr Kavalenka.

Nahadajem, što ŭ samym pačatku vajny da Ukrainy dałučylisia biełaruskija dobraachvotniki, častka jakich paśla arhanizavałasia ŭ połk Kalinoŭskaha. Biełaruskija bajcy vajavali i praciahvajuć vajavać na samych haračych učastkach frontu, zdabyvajuć łakalnyja pieramohi, choć, na žal, časam niasuć straty.

Asnoŭnaja meta biełaruskich dobraachvotnikaŭ — źviaržeńnie režymu Łukašenki šlacham dasiahnieńnia pieramohi Ukrainy ŭ vajnie suprać Rasii.

Čytajcie taksama:

Polšča maje padtrymać «vojski, jakija buduć vieści apieracyju suprać Łukašenki» — eks-namieśnik ministra abarony

Bajcy Pałka Kalinoŭskaha chitraściu vyklikali ahoń rasijan pa ich ža pazicyjach

Va Ukrainie pachavali Mirasłava Łazoŭskaha FOTA

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Bachmut/adkazać
28.05.2023
Malva, A ty ŭžo zapisaŭsia kałabarantam da rasiejskich akupantaŭ ci heta prosta ŭ ciabie takoje "tvajo mierkavańnie"?
0
Valadzimir/adkazać
28.05.2023
Litvin lipavy, svaim pravakacyjnym pastom (nie kažučy pra rasiejskuju movu) Vy, sudaŕ, elemientarna spalilisia. Nijakich "litvinov" tut zaraz niama, i "kalinoŭcy" samyja što ni na jość biełorusy. Tamu vaša śćviardžeńnie, što "Ukraincy na storonie litvinov i zapad i  Jevropa i Polša i Litva" - heta absalutnaja łuchta i pravakacyja.
Što da "histaryčnych" litvinaŭ (litvinaŭ VKŁ), to jany całkam NIKOLI nie byli na baku Zachadu. Tolki častka kirujučaj elity VKŁ na praciahu ŭsioj jahonaj historyi była aryjentavana na Polšču i Zachad. Pravasłaŭnaja Litoŭskaja Ruś, nieadjemnaja i arhaničnaja častka Litvy i VKŁ, zaŭsiody była supraćvahaj "zachodnikam". Nahadaju, što samy słavuty litvin Vitaŭt Vialiki, u supraćvahu polska-zachodniamu "cyvilizacyjnamu" vybaru Jahajły, zrabiŭ "ruskamirny" vybar - addaŭ svaju dačku Sofju za samaha što ni na jość "maskala" Vasilija I, i ichnym naščadkam byŭ i Ivan Hrozny ("Žachlivy").
0
Malva/adkazać
29.05.2023
Bachmut, nie chavacsia za nazvaju šmatpakutnaha horada. Maskalski trol tvajo imia. A ŭ kałabaranty nat zapisyvajucca?.. Bač, viedaješ... Vidać sam daŭno ŭžo zapisaŭsia i sprabuješ strełki pieravodzić... Sumleńnie troški hryzie ha?..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera