U Polščy buduć sudzić biełarusa za pieravozku mihrantaŭ
46-hadovaha hramadzianina Biełarusi abvinavačvajuć u dapamozie ŭ nielehalnym pierasiačeńni miažy jak minimum traim hramadzianam Siryi.
Fota: pamiežnaja słužba
Jamu pradjavili abvinavačańnie ŭ arhanizacyi nielehalnaj mihracyi, piša «Radyjo Racyja» sa spasyłkaj na Pamiežnuju słužbu Polščy.
Biełarusa i nielehalnych mihrantaŭ zatrymali polskija pamiežniki letaś u kastryčniku, kali jany nakiroŭvalisia ad miažy ŭ bok Niamieččyny.
Taksama zatrymali kiroŭcu aŭtamabila, jaki vioz siryjcaŭ pa ŭkazańni biełarusa. Nielehalnych mihrantaŭ pakarali 6 miesiacami źniavoleńnia z adterminoŭkaj, a hramadzina Biełarusi aryštavali da suda na try miesiacy.
Doma ŭ jaho taksama znajšli try mabilnyja telefony i čatyry sim-karty, jakija stali dokazami pa spravie. Kali mužčynu pryznajuć vinavatym, jamu pahražaje ad 6 miesiacaŭ da 8 hadoŭ źniavoleńnia.
Zatrymanaha źmiaścili ŭ SIZA na 3 miesiacy da suda.
Čytajcie taksama:
U Polščy zatrymali arhanizatara nielehalnaj mihracyi ź Biełarusi
Na łatvijskaj miažy z boku Biełarusi adbyŭsia pažar, padazrajuć mihrantaŭ
Biełarusa zatrymali na niamiecka-polskaj miažy za dapamohu nielehalnym mihrantam
