Ukrainku try dni nie puskali ŭ Estoniju. Jana padarožničała z 40 katami
Ukrainskaja biežanka try dni nie mahła pierasiekčy miažu z Estonijaj, bo ź joj «padarožničajuć» 40 katoŭ i dva niečypavanyja sabaki. Na čaćviorty dzień joj, na ščaście, usio ž udałosia pierasiekčy miažu Jeŭrasajuza i praciahnuć šlach va Ukrainu.
Fota ilustracyjnaje: korostelev.livejournal.com
Pra niepryjemnaści ŭkrainki na miažy raniej paviedamili vałanciory-zoaabaroncy — jany padkreślivali, što ŭ žančyny niama ni mety, ni žadańnia zastavacca ŭ Jeŭrasajuzie, pra heta Delfi raspaviała kiraŭnik praŭleńnia ŭkrainskaha kanhresa Łatvii Jana Stralec.
Adzinaje, čaho choča hramadzianka Ukrainy, — jak maha chutčej viarnucca razam sa svaimi hadavancami na radzimu. Dla hetaha joj treba pierasiekčy miežy Estonii, Łatvii, Litvy i Polščy. Damoŭlenaść ab nieabchodnym transparcie ŭ hramadzianki Ukrainy ŭžo jość.
Paśla šmatdzionnych i apraŭdanych z punktu hledžańnia zakona biurakratyčnych składanaściaŭ na miažy z Estonijaj ukraincy ŭsio ž dazvolili ŭjechać na terytoryju ES razam z žyviołami. Ciapier jana praciahvaje šlach na radzimu.
«Sistemna, viadoma, ničoha nie vyrašana, zastajecca pytańnie, što ŭ takoj situacyi adbudziecca na łatvijskaj miažy», — skazała Stralec.
Čytajcie taksama:
U Hrodnie ratavalniki vyzvalili kocika ź mietaličnaj pastki VIDEA
U Homieli ratavalniki ŭratavali ad vialikaj vady kocika VIDEA
