Načnaja ataka na Kijeŭ była vyklučnaj pa svajoj ščylnaści — ułady stalicy
U noč na aŭtorak va ŭkrainskaj stalicy prahrymieła sieryja hučnych vybuchaŭ, spracavała supraćpavietranaja abarona.
Abłomki rasijskaj rakiety. Ilustracyjnaje fota USU
U Kijeŭskaj administracyi skazali, što, pavodle papiaredniaj infarmacyi, padzieńnie abłomkaŭ zafiksavanaje ŭ Abałonskim, Šaŭčenkaŭskim, Sałomienskim i Darnickim rajonach stalicy, paviedamlaje Bi-bi-si.
«Vybuchi ŭ Kijevie. Niekalki — u Sałomienskim rajonie. A ŭ Šaŭčenkaŭskim, na terytoryju zaaparka, upali abłomki rakiety», — skazaŭ mer Kijeva Vital Kličko.
Raniej na bolšaj častcy terytoryi Ukrainy była abvieščanaja pavietranaja tryvoha.
Pa słovach kiraŭnika vajennaj administracyi Kijeva Siarhieja Papko, była ździejśnienaja «kompleksnaja ataka z roznych kirunkaŭ adnačasova, z užyvańniem BPŁA, kryłatych rakiet i, vierahodna, rakiet balistyčnaha typu».
Papko nazyvaje ataku «vyklučnaj pa svajoj ščylnaści — maksimalnaja kolkaść rakiet za samy karotki pramiežak času».
Pavodle jaho słoŭ, pieravažnaja bolšaść rakiet była źniščanaja.
Papko ŭdakładniŭ, što najbolšyja paškodžańni zafiksavanyja ŭ Sałomienskim rajonie — tam było ŭzharańnie niežyłoha pamiaškańnia i niekalkich aŭtamabilaŭ.
Mer Kijeva Vital Kličko paviedamlaŭ raniej, što, pavodle papiaredniaj infarmacyi, u Sałomienskim rajonie jość troje paciarpiełych.
Načnaja ataka na Kijeŭ — vośmy pavietrany napad na ŭkrainskuju stalicu z pačatku maja.
