U Homieli nastaŭnik pavioŭ školnikaŭ u miascovy «Ruski dom», kab pasumavać z nahody hibieli Uładlena Tatarskaha
Fotaspravazdaču pra žałobnuju akcyju z nahody hibieli rasijskaha prapahandysta Uładlena Tatarskaha apublikavała kiraŭnictva «Ruskaha doma» ŭ Homieli ŭ siabie ŭ sacyjalnych sietkach. Na joj prysutničali i vučni siaredniaj škoły №59, jakich pryvioŭ nastaŭnik «patryjatyčnaha» vychavańnia Dźmitryj Uklejka.
Na Dźmitryja Uklejku z vučniami na hetym mierapryjemstvie źviarnuła ŭvahu homielskaje vydańnie «Štodzień». Pavodle jaho, Uklejka — viadomy miascovy prychilnik Alaksandra Łukašenki i «ruskaha śvietu».
Dźmitryj Uklejka
«Vielmi kranalnaja padzieja adbyłasia siońnia ŭ našym Domie dziakujučy Dźmitryju Uklejku i jaho vychavancam z SŠ №59. Pierad kinasieansam chłopcy ŭšanavali pamiać rasijskaha vajenkara Uładlena Tatarskaha, jaki trahična zahinuŭ ad teraktu ŭ pieciarburhskim kafe. Hłybokija spačuvańni… Nahadajem, trahiedyja adbyłasia ŭčora ŭviečary. U kaviarni, dzie prachodziŭ tvorčy viečar žurnalista, prahrymieŭ vybuch, udarnaja chvala vybiła škło. Papiarednie viadoma pra 25 paciarpiełych, ź jakich 19 paranienyja», — napisali pres-sakratary rasijskaj arhanizacyi.
U pryjomnaj škoły adkazali, što ničoha nie viedajuć pra akcyju Uklejki. Adziny čałaviek jaki vałodaje takoj infarmacyjaj — heta namieśnica dyrektara pa ideałahičnaj i vychavaŭčaj pracy Taćciana Chalaźnikava, adnak jana, maŭlaŭ, u škole ciapier adsutničaje.
Čytajcie taksama:
Ukraina razam z FBK. U Rasii nazvali arhanizataraŭ zabojstva vajenkara Tatarskaha
Zabojstva Tatarskaha moža być śviedčańniem unutranaj baraćby ŭ Rasii — ISW
