Safiju Sapiehu adpraviać u Rasiju dasiedžvać termin
Maci Safii i jaje baćka padali chadajnictva ŭ Miniust RF ab pieravodzie dački ŭ Rasiju. Biełaruski bok daŭ zhodu, jak i sama dziaŭčyna, piša «Baza» sa spasyłkaj na advakata Antona Hašynskaha.
Ciapier siamja Sapiehi čakaje suda ŭ Rasii, jaki pavinien vyznačyć termin adbyćcia pakarańnia Sapiehi na radzimie. Paśla hetaha jaje pieravod stanie technična mahčymy.
Safija Sapieha — byłaja dziaŭčyna byłoha redaktara telehram-kanała Nexta Ramana Pratasieviča. U mai 2021 hoda ich abodvuch zatrymali ŭ Minsku paśla prymusovaj pasadki samalota ź imi na borcie. U mai 2022 hoda Sapiehu, abvinavačanuju pa siami artykułach Kryminalnaha kodeksa Biełarusi, prysudzili da šaści hadoŭ pazbaŭleńnia voli.
Łukašenka, jaki raniej kazaŭ, što «škada dziaŭčynu», admoviŭ joj u pamiłavańni.
Sud nad Pratasievičam idzie ciapier.
