Rasijski Pieršy kanał pierakłaŭ nazvu pieśni Biejonse If I Were A Boy («Kali b ja była chłopcam») jak «Kali ŭ mianie budzie chłopčyk»
Kampazicyju If I Were A Boy u šou «Hołas» vykonvała Natalla Padolskaja. Niečakana ŭ citrach nazvu pieśni Biejonse paznačyli jak «Kali ŭ mianie budzie chłopčyk». Mahčyma, heta adbyłosia ŭ suviazi z zakonam ab zabaronie «prapahandy ŁHBT».
Hetu pieśniu nieadnarazova vykonvali i inšyja ŭdzielniki jak darosłaha, tak i dziciačaha «Hołasu». Tady ŭ citrach kampazicyja pierakładałasia jak «Kali b ja była chłopcam».
Pieśnia Biejonse vyjšła ŭ 2008 hodzie i trapiła ŭ topy suśvietnych muzyčnych čartaŭ. U joj havorycca pra toje, jak žančyna pavodziłasia b, kali b stała mužčynam. Naprykład, piła b piva ź siabrami, apranałasia jak zaŭhodna i zalacałasia da dziaŭčat.
Čytajcie taksama:
Premiju za ŭkład u raźvićcio biełaruskaj muzyčnaj industryi atrymaŭ aŭtar pieśni «Ja russkij»
Usie svaje na čale ź niaviestkaj Łukašenki. U Biełarusi nazvali najlepšuju pieśniu 2022 hoda
Śpiavačka Ziemfira vypuściła antyvajenny klip ź sieladcom na haziecie «Źviazda»





