Da majskich śviat dobraŭparadkujuć parkavuju zonu na vulicy Kalinoŭskaha ŭ Minsku
U chutkim časie pačnucca raboty pa dobraŭparadkavańni zialonaj zony na skryžavańni vulicy Kalinoŭskaha i praśpiekta Niezaležnaści, paviedamiła «Minsk-Navinam» staršynia kamiteta architektury i horadabudaŭnictva Minharvykankama Volha Vieramiej.
U parku ŭładkujuć novuju dziciačuju placoŭku, zjavicca zona dla zaniatkaŭ sportam i z vuličnymi trenažorami.
Prajektam praduhledžana raźmiaščeńnie ŭzdoŭž ściežak nievialikich handlovych abjektaŭ. Taksama zamieniać lichtary i pastaviać novyja małyja architekturnyja formy (łaŭki i inšaje).
Kab u parkavuju zonu było zručna patrapić, zaraz budujuć padziemny piešachodny pierachod pad praśpiektam Niezaležnaści.
Jak udakładniła Vieramiej, raboty pa dobraŭparadkavańni parku płanujuć vykanać na praciahu miesiaca paśla atrymańnia ekśpiertyzy. Nie vyklučana, što abnoŭlenuju zonu adpačynku minčanie ŭbačać užo da majskich śviat.
