Znajści
Ałharytmičny łacinski varyjant
01.04.2023 / 22:1230RusŁacBieł

Ukrainski pasoł nie razumieje, čym Łukašenku nie dahadziła Ukraina

Pasoł Ukrainy ŭ Biełarusi Ihar Kizim adreahavaŭ vialikim pastom u fejsbuku na ŭčarašniaje pasłańnie Łukašenki. Hałoŭnaje, pa słovach Kizima, čaho jon u hetym vystupleńni nie pačuŭ — choć niejkaha tłumačeńnia, navošta Biełaruś uviazałasia ŭ vajnu suprać Ukrainy na baku Rasii i jakaja dla Biełarusi ad hetaha vyhada.

Ihar Kizim

«Što ž takoha zrabili Ukraina i jaje narod biełarusam i kiraŭnictvu Biełarusi, jakoje čamuści vyrašyła, što viedaje, jak «budzie lepš» dla ŭkraincaŭ, i padtrymała RF? — zadajecca pytańniem ukrainski pasoł. — 

Moža być, Ukraina zabaraniała biełaruskuju movu, zachoplivała biełaruskija ziemli, zabaraniała biełaruskuju historyju, kulturu i h. d.?»

I adrazu piarečyć tym, chto źbiraŭsia b kazać pra toje, što Ukraina nibyta pravodziła varožuju palityku i ŭvodziła suprać režymu Łukašenki sankcyi. Ich z boku Ukrainy, padkreślivaje Kizim, nie było navat paśla padziej 2020 hoda. Uvohule, pieršy pakiet sankcyj suprać łukašenkaŭskaj Biełarusi byŭ uviedzieny tolki ŭ listapadzie 2022-ha, praz šmat miesiacaŭ paśla ŭvarvańnia i jak adkaz na jaho. Adzinaja «sankcyja», jakuju ŭviała Ukraina suprać Łukašenki da taho času — tolki zabarona na paloty paśla pasadki ŭ Minsku samalota Ryanair, i toje heta tyčyłasia biaśpieki palotaŭ i nie inicyjatyva Ukrainy.

«Bolš za toje, i heta fakt, u 2021 hodzie dvuchbakovy tavaraabarot paśla «kavidnaha» 2020 hoda chutka adnaviŭsia i vyras da 6,3 młrd dalaraŭ ZŠA, a ŭ studzieni-lutym 2022-ha pakazaŭ rost u 40% da 2021 hoda, što davała mahčymaść kazać pra 7,5 młrd u hadavym vyličeńni», — pryvodzić ličby Ihar Kizim.

To-bok, kanstatuje pasoł, Biełaruś u vyniku pryniataha Łukašenkam rašeńnia straciła premijalny ŭkrainski rynak u 5 młrd dalaraŭ. Plus da taho jana straciła mahčymaść pretendavać na rolu pasrednika i navat miesca praviadzieńnia pieramovaŭ pa ŭrehulavańni situacyi. I nie razumieje, što ŭ vyniku nabyła.

Kizim źviartaje ŭvahu i na łahičnyja supiarečnaści ŭ Łukašenkavaj pramovie. Prynamsi, na toje, što jon śćviardžaje pra hatoŭnaść dać adpor lubomu, chto stupić na biełaruskuju terytoryju, ale ŭ toj ža čas čamuści admaŭlaje ŭ hetym samym pravie Ukrainie, pry hetym tut ža paprakajučy apošniuju, što «ŭ 2014 hodzie addała «zialonym čałaviečkam» Krym biez adzinaha strełu».

Urešcie, jon rašuča piarečyć tezisu Łukašenki pra nibyta «stomlenaść ad vajny» i «niežadańnie abodvuch bakoŭ vajavać», žadańnie ŭ tym liku i ŭkraincami pieramoŭ «biez papiarednich umoŭ» i h. d. Va ŭkrainskaha naroda matyvacyja, pavodle jaho, jakraz jość, bo «jany, u adroźnieńnie ad rasijskich zachopnikaŭ, vyzvalajuć svaje časova akupavanyja terytoryi, viedajuć, za što jany vajujuć, i viedajuć, jak pieramahčy ŭ hetaj vajnie».

U suviazi z hetym Kizima «ździŭlaje niežadańnie biełaruskaha vajskova-palityčnaha kiraŭnictva navat praz hod paśla pačatku t. zv. SVA bačyć hetuju vidavočnuju iścinu i zrazumieć, što i kaho jano padtrymlivaje».

Sapraŭdny ž płan mirnaha ŭrehulavańnia, pavodle ŭkrainskaha pasła — heta płan «dziesiaci krokaŭ» prezidenta Ukrainy, ahučany 15 listapada minułaha hoda, jaki «nie tolki ab spynieńni vajny, ale i ab vyklučeńni mahčymaści paŭtareńnia padobnych kanfliktaŭ u budučyni i ab biaśpiecy dla ŭsich u rehijonie».

Čytajcie taksama:

Niaŭpeŭniena skazaŭ pra jadziernuju zbroju, ale namiaknuŭ na represii rodzičaŭ «źbiehłych» — Karbalevič

Łukašenka: Rasijskija vojski nas nie zachapili, ja ich siudy pryvioŭ i imi kiruju

«Ja pra heta nastojliva vioŭ pieramovy z Pucinym». Łukašenka pra namier raźmiaścić jadziernuju zbroju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
nie taki jak jość/adkazać/
02.04.2023
Anatol Starkou, pavialičvajcie dozu, byłaja ŭžo nie dapamahaje
0
Patryjot /adkazać/
02.04.2023
Ludzi bačyli hetaha čałavieka na łukašysckich mierapryjemstvach. Jamu nia soramna chadzić da tych, chto daŭ admašku na ahresiju z našaj terytoryi?
0
Vadzim/adkazać/
02.04.2023
łołkam,
> ukraincy pomohali v 90ych - tohda u nievierojatnych było vsie chorošo - fakt
ja ŭ 90ch byŭ. Było kiepska. Nas łupili. Dapamohi nia bačyŭ. Chłusiš, a nie fakt raskazvaješ.

> ukraina dała ubiežiŝie tiem, kto ujechał iz RB - fakt
Ja źjechaŭ va ŭkrainu ŭ žniŭni 20ha lačycca ad pabojaŭ, ukrainie było na mianie pofich, na zvyčajnych padstavach lehalizoŭvaŭsia, dapamahali asobnyja ludzi, majdanaŭcy. Sama ukraina na mianie i maich znajomych bołt zabiła. Chłusiš, a nie fakt raskazvaješ.

Darečy ŭ 21m u polščy - lehalizacyja biez prablem, miedycyna, pasobije. Tak, palaki dapamahli.

> ukraina vojujet(!) s 2014 - kak jeje biełorusy poddieržali? nikak
S 2014 danaču ZSU. Udziačnaść atrymaŭ ad majdanaŭcaŭ, što mnie dapamahli. Ad samoj Ukrainy ni naśsiaru ni dziakuj. Chłusiš, a nie fakt raskazvaješ.

> (tie, kto vojujet tam - kak-to nie osobo chotiat imieť dieło so śvietoj,
Roznyja jość. Spytaŭsia b u Atama svoječasova. Zaraz užo nia zmožaš

> u kotoroj putin mudryj)
Łuka ŭ 2020m ukraincam byŭ mudry, dvoje z troch pytalisia, što nam tam nie siadziełasia i čaho my na łuku honim.

> sankcii vvieł jevrosojuz i sša - silno pomohło? kak podklučienije v nim ukrainy v 2020 pomohło by, jeśli miestnoje nasielenije dažie na zabastovku nie spodobiłoś?

> nievierojatnyje vybrali priezidientku, kotoraja postojanno iskała pomoŝi v kriemle - s kakoho pieriepuha im poddierživať jeje, jeśli užie jesť takoj žie saša?
adzin raz skazała frazu, satariučysia papiaredzić uvarvańnie. Kijeŭ łuku sraku hadami vylizvaje i pakrydziŭsia na adnu (!) frazu.

> ukrainie nado, čtoby u saši było mieńšie povodov vstupať v vojnu napriamuju i plevať, čto pro eto s divana dumajut tie, kto 26 let spał
Ja na mitynhach atrymoŭvaŭ hetyja 26 hadoŭ. Ty ich nie bačyŭ, to vidać sam i spaŭ.

> dostań brievno iz svojeho hłaza, prieždie čiem iskať sorinki v čužich
dobraja parada. Prysłuchajsia da jaje
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera