Znajści
Ałharytmičny łacinski varyjant
01.04.2023 / 18:232RusŁacBieł

Vyjšaŭ na volu Ilja Mironaŭ

Znoŭ na voli homielski aktyvist Ilja Mironaŭ, paviedamlaje «Homielskaja viasna».

Z 17 sakavika Ilja Mironaŭ adbyvaŭ administracyjny aryšt u IČU horada Homiela. Jon byŭ pakarany sudom Savieckaha rajona Homiela pa č. 2 artykuła 19.11 KaAP 15-ciu sutkami aryštu.

Heta nie pieršaje źniavoleńnie Mironava. Jaho spačatku zatrymali ŭ vieraśni 2021 hoda pa «spravie Zielcera». 24 kastryčnika 2022 hoda Illu asudzili da 1,5 hoda kałonii i štrafu ŭ 200 bazavych vieličyń. Pakolki palitviazień bolš za hod znachodziŭsia ŭ SIZA, jaho pastanavili vyzvalić u zale suda.

Ale pakolki paśla taho Ilja nie spyniŭ hramadskaj aktyŭnaści, to paśla vyzvaleńnia jašče niekalki raz byŭ zatrymany i adbyvaŭ «sutki».

Apošni raz u kvatery, dzie jon žyvie, siłaviki praviali brutalny pieratrus, usio paraskidaŭšy. Valancinu Mironavu, maci aktyvista, na karotki čas taksama zatrymlivali i dali joj 11 bazavych vieličyń štrafu.

Čytajcie taksama:

Illa Mironaŭ: Mianie zatrymali za toje, što ja pišu skarhi

«Navat bomž, jaki siadzieŭ sa mnoj, vykinuŭ ježu, jakuju vydali ŭ IČU». Ilja Mironaŭ raspavioŭ pra 12 sutak aryštu

Vałancior Ilja Mironaŭ: Vady ŭviečary naohuł nie davali pić

«Abychodzilisia horš, čym z kryminalnikami». Illa Mironaŭ raskazaŭ, jak pravioŭ svaje sutki za padpisku na «ekstremiscki» pablik

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Biełaruska/adkazać/
01.04.2023
Jakija hieroi ŭ našaj krainie. My nie dastojnyja takich jak vy, Ilja!
0
Jašče adna biełaruska/adkazać/
01.04.2023
Boža, što zrabili z čałaviekam paśla hetych biaskoncych adsiedak. Kali paraŭnać z raniejšymi fota z 20-ha hoda, naohuł prosta inšy čałaviek, nie paznać praktyčna, u dva razy starejšym i chudziejšym, vielmi zmučanym vyhladaje. Takich hierojaŭ treba kananizavać jak mučanikaŭ za svabodu krainy našaj carkvie, kali jana stanie sapraŭdy biełaruskaj. A hetych, chto da takoha spryčyniŭsia, chto katuje zaraz sapraŭdnych biełarusaŭ, treba pasadzić naŭzamien na praciahłyja terminy. Pavinna być pakarańnie za takoje ŭsim katam.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera