Znajści
Ałharytmičny łacinski varyjant
01.04.2023 / 12:52RusŁacBieł

U Hrodnie pryznačany sud nad vartaŭnikom dziciačaha sadka, uniesienym u śpis «terarystaŭ»

U Hrodnienskim abłasnym sudzie ŭ paniadziełak pačniecca razhlad kryminalnaj spravy 53-hadovaha vartaŭnika dziciačaha sadka Valancina Dubroŭščyka, jakoha abvinavačvajuć pa niekalkich «ekstremisckich» artykułach, paviedamlaje «Viasna».

Valancin Dubroŭščyk

Sudovy praces pryznačany vieści sudździa Dźmitryj Bubienčyk.

Pra zatrymańnie Dubroŭščyka pravaabaroncam stała viadoma 2 vieraśnia 2022 hoda. Tady paviedamlałasia, što hrodzienca abvinavačvajuć u abraźlivych kamientaryjach u dačynieńni da Łukašenki, Karanika, a taksama rasijskich sałdat, što vajujuć va Ukrainie.

Valancina Dubroŭščyka abvinavačvajuć u abrazie pradstaŭnika ŭłady (art. 369), raspalvańni inšaj sacyjalnaj varožaści (č. 1 art. 130), abrazie Alaksandra Łukašenki (č. 2 art. 368), u paklopie na jaho (č. 2 art. 367) i arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich (č. 1 art. 342 Kryminalnaha kodeksa).

Zhodna z materyjałami spravy, abvinavačany sa studzienia 2019 hoda pa maj 2021 hoda sa svajho mabilnaha telefona raźmiaściŭ u Telegram paviedamleńni, u jakich davaŭ vidavočna niehatyŭnuju acenku asoby kiraŭnika dziaržavy, abvinavačvaŭ jaho ŭ ździajśnieńni złačynstvaŭ, a taksama publična abražaŭ staršyniu Centrvybarkama, dla čaho vykarystaŭ niecenzurnuju leksiku.

Akramia taho, praź internet abvinavačany zaklikaŭ da ŭdziełu ŭ hrupavych dziejańniach, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, prymianieńniu hvałtu da supracoŭnikaŭ pravaachoŭnych orhanaŭ, raspalvaŭ sacyjalnuju varožaść.

15 lutaha proźvišča Dubroŭščyka źjaviłasia ŭ śpisie «asob, jakija majuć dačynieńnie da terarystyčnaj dziejnaści», jaki pieryjadyčna abnaŭlaje KDB.

Viarchoŭny Sud ździekliva pierahledzieŭ prysud dvum fihurantam «spravy Aŭtuchoviča»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera